બંધારણના નિર્માતા ડૉ.આંબેડકર પર ગૃહમંત્રી અમિત શાહના નિવેદન બાદ સંસદ રણસંગ્રામમાં ફેરવાઈ ગઈ છે. આજે સંસદની કાર્યવાહી શરૂ થતાં પહેલાં સંસદ પરિસરમાં ભાજપ અને વિપક્ષના સાંસદો વચ્ચે ધક્કામુક્કી થઈ હતી, જેમાં સત્તાધારી પક્ષના બે સાંસદો પ્રતાપ સારંગી અને મુકેશ રાજપૂત ઘાયલ થયા હતા. પ્રતાપ સારંગીની આંખમાં ઈજા થઈ છે. બંને આરએમએલ હોસ્પિટલમાં દાખલ છે. 

#WATCH | Delhi: Union Ministers Shivraj Singh Chouhan and Pralhad Joshi meet BJP MPs Pratap Chandra Sarangi and Mukesh Rajput at RML Hospital. They are admitted here after sustaining injuries during jostling with INDIA Alliance MPs. Both INDIA Alliance and NDA MPs were carrying… pic.twitter.com/O7Fciv2Uxa

— ANI (@ANI) December 19, 2024

કોંગ્રેસે ભાજપના સાંસદો પર આરોપ લગાવ્યા
આ જ સમયે, કોંગ્રેસનું કહેવું છે કે બાબાસાહેબ આંબેડકરના અપમાનનો વિરોધ કરી રહેલા મલ્લિકાર્જુન ખડગે અને પ્રિયંકા ગાંધી સાથે ભાજપના સાંસદોએ સંસદના મકર ગેટ પર ધક્કો માર્યો હતો.

બીજેપી સાંસદ પ્રતાપ ચંદ્ર સારંગીએ કહ્યું, રાહુલ ગાંધીએ એક સાંસદને ધક્કો માર્યો જે મારા પર પડ્યો અને હું નીચે પડી ગયો. હું સીડી પાસે ઉભો હતો ત્યારે રાહુલ ગાંધીએ આવીને મારા પર પડી ગયેલા સાંસદને ધક્કો માર્યો હતો.

રાહુલ ગાંધીએ આપ્યું મોટું નિવેદન
લોકસભાના વિપક્ષના નેતા અને કોંગ્રેસના સાંસદ રાહુલ ગાંધીએ કહ્યું કે, જ્યારે હું સંસદના પ્રવેશદ્વારની અંદર જવાનો પ્રયાસ કરી રહ્યો હતો, ત્યારે ભાજપના સાંસદો મને રોકવાનો પ્રયાસ કરી રહ્યા હતા. તેઓ મને ધમકી આપી રહ્યા હતા, તેથી આ બન્યું. આ સંસદનો મામલો છે. ત્યાં પ્રવેશ છે અને અમને અંદર જવાનો અધિકાર છે. મુખ્ય મુદ્દો એ છે કે તેઓ બંધારણ પર હુમલો કરી રહ્યા છે.

સંસદમાં ધક્કા-મુક્કી કરવાના આરોપો વચ્ચે કેન્દ્રીય મંત્રી કિરેન રિજિજુએ કહ્યું કે, સંસદ કુસ્તી અને સ્માર્ટનેસ બતાવવાનું પ્લેટફોર્મ નથી. રાહુલ ગાંધીએ શારીરિક તાકાત બતાવી. રાહુલ ગાંધીએ અમારા બે સાંસદોને ધક્કો માર્યો. જો અમારા સાંસદો હાથ ઉપાડ્યો હોત તો તો શું થાત. તમે તેને ઉપાડ્યો હતો?"

#WATCH | Congress shares a video of MP Priyanka Gandhi Vadra and party chief & Rajya Sabha LoP Mallikarjun Kharge when they were allegedly stopped by ruling party MPs while entering Parliament.

(Video: AICC) pic.twitter.com/n1kPU1zPUS

— ANI (@ANI) December 19, 2024

ઈન્ડિયા એલાયન્સના સાંસદો સંસદ ભવનના મકર ગેટની દિવાલ પર ચઢી ગયા હતા અને રાજ્યસભામાં બાબાસાહેબ આંબેડકર પર કરેલી ટિપ્પણી બદલ કેન્દ્રીય ગૃહ પ્રધાન અમિત શાહની માફી અને રાજીનામાની માગણી સાથે પ્લેકાર્ડ સાથે વિરોધ કર્યો હતો.

ભાજપ સાંસદોએ કોંગ્રેસ પાર્ટી પર બાબાસાહેબ આંબેડકરનું અપમાન કરવાનો આરોપ લગાવીને સંસદમાં વિરોધ પ્રદર્શન કર્યું હતું.