ટોક્યો પેરાલિમ્પિક ચેમ્પિયન અવની લેખરાએ પેરિસ પેરાલિમ્પિકમાં ઈતિહાસનું પુનરાવર્તન કર્યું અને ફરી એકવાર ભારત માટે ગોલ્ડ મેડલ જીત્યો. પેરિસ પેરાલિમ્પિક્સના બીજા દિવસે ભારતે બે મેડલ જીત્યા. અવનીએ મહિલાઓની 10 મીટર એર રાઈફલ સ્પર્ધામાં ગોલ્ડ જીત્યો હતો, જ્યારે મોના અગ્રવાલે તે જ સ્પર્ધામાં બ્રોન્ઝ મેડલ જીત્યો હતો.

ભારતની સ્ટાર પેરા શૂટર અવની લેખરાએ પેરિસ પેરાલિમ્પિક્સ 2024માં મહિલાઓની 10 મીટર એર રાઈફલ ઈવેન્ટની ફાઇનલમાં ગોલ્ડ મેડલ જીત્યો હતો. અવનીએ ભારતને પહેલો મેડલ અપાવ્યો. આ પહેલા પણ અવનીએ ટોક્યો પેરાલિમ્પિકમાં ગોલ્ડ જીત્યો હતો. જ્યારે મોના અગ્રવાલે ભારતને બીજો મેડલ અપાવ્યો હતો. 

પેરિસ પેરાલિમ્પિક્સમાં ભારત માટે બીજો દિવસ ગોલ્ડન રહ્યો. અવની લેખરાએ પોતાનું ટાઇટલ જાળવી રાખ્યું અને મહિલાઓની 10 મીટર એર રાઇફલ સ્ટેન્ડિંગ SH1 ઇવેન્ટમાં ગોલ્ડ મેડલ જીત્યો. અવની લેખારાએ સતત બીજી વખત ગોલ્ડ મેડલ જીત્યો. અવનીએ ફાઈનલમાં 249.7 પોઈન્ટ બનાવ્યા અને નવો ઓલિમ્પિક રેકોર્ડ બનાવ્યો.

મોનાએ બ્રોન્ઝ મેડલ જીત્યો

અવની તેનો ટોક્યો 2020 પેરાલિમ્પિક રેકોર્ડ તોડીને ભારતની સૌથી સફળ મહિલા પેરાલિમ્પિક એથ્લેટ બની ગઈ છે. જ્યારે ભારતે એક જ ઇવેન્ટમાં બે મેડલ જીત્યા હતા. 36 વર્ષની મોના અગ્રવાલે બ્રોન્ઝ મેડલ જીત્યો હતો. મોના ફાઇનલમાં 228.7 પોઈન્ટ સાથે ત્રીજા ક્રમે રહી હતી.