ઓસ્ટ્રેલિયાની રોયલ ઓસ્ટ્રેલિયન એરફોર્સે વાયુસેનાની 'તરગં શકિત–૨૦૨૪' કવાયતના બીજા તબક્કામાં ભાગ લેવા માટે પ્રથમ વખત તેના ફાઇટર પ્લેન ભારત મોકલ્યા છે. ઓસ્ટ્રેલિયા તરફથી ત્રણ ઈએ ૧૮જી ગ્રોવર એરક્રાટ, ૧૨૦ એરમેન અને અન્ય કર્મચારીઓને છ નંબરની સ્કવોડ્રનથી જોધપુર મોકલવામાં આવ્યા છે. દેશની સૌથી મોટી બહત્પપક્ષીય હવાઈ કવાયતનો બીજો તબક્કો એરફોર્સ સ્ટેશન જોધપુર ખાતે ૩૦ ઓગસ્ટથી ૧૩ સપ્ટેમ્બર દરમિયાન યોજાઈ રહ્યો છે.
ભારતની સાથે અમેરિકા, ઓસ્ટ્રેલિયા, ગ્રીસ, શ્રીલંકા, યુએઈ, જાપાન અને સિંગાપોર તેમાં ભાગ લઈ રહ્યા છે. ગઈકાલે સુખોઈ ૩૦ એસકેઆઈ સાથે અમેરિકાની એ–૧૦ અને તેજસ સાથે ઓસ્ટ્રેલિયાની ઈએ ૧૮ એ તેમની કુશળતા બતાવી.
ઓસ્ટ્રેલિયન ડિફેન્સ ડિપાર્ટમેન્ટ દ્રારા જારી કરવામાં આવેલા નિવેદન અનુસાર, રોયલ ઓસ્ટ્રેલિયન એરફોર્સે 'તરગં શકિત' કવાયતમાં ભાગ લેવા માટે ભારતમાં ફાઈટર એરક્રાટની પ્રથમ તૈનાતી કરી છે.
આ કવાયતમાં ભારતીય વાયુસેનાના રાફેલ, સુખોઈ, મિરાજ, જગુઆર અને તેજસ જેવા વિમાનો, અમેરિકાના એ૧૦ થંડરબોલ્ટ, ગ્રીસના એફ૧૬ ફાઈટીંગ ફાલ્કન, જાપાનના મિત્સુબિશી એફ૨ અને અન્ય દેશોના વિમાનોએ મળીને ભાગ લીધો હતો. એર–ટુ–એર કવાયત જમીનની કામગીરીમાં ક્ષમતાઓનું પ્રદર્શન કરે છે.
ઓસ્ટ્રેલિયાના સંરક્ષણ વિભાગે જણાવ્યું હતું કે તેણે તાજેતરના વર્ષેામાં ઓસ્ટ્રેલિયા અને ભારત વચ્ચે વધતા હવાઈ સંરક્ષણ સહયોગનો લાભ લીધો છે, જેમાં ૨૦૧૮, ૨૦૨૨ અને ૨૦૨૪માં વ્યાયામ પિચ બ્લેકમાં ભારતીય વાયુસેના લેન્કર્સની યજમાનીનો સમાવેશ થાય છે. તરગં શકિત કવાયતનો પ્રથમ તબક્કો ઓગસ્ટમાં તમિલનાડુમાં પૂર્ણ થયો હતો. જેમાં જર્મની, ફ્રાન્સ, સ્પેન અને યુકેની હવાઈ દળોનો સમાવેશ થાય છે