ભાવનગર જિલ્લામાં આજે તા. ૭મે ના રોજ થનાર બ્લેક આઉટ અંગે કલેકટર કચેરીના વિડિયો કોન્ફરન્સ હોલ ખાતે યોજાયેલ પત્રકાર પરિષદમાં જિલ્લા કલેકટર ડો. મનીષ કુમાર બંસલ એ માહિતી આપી હતી. જિલ્લા કલેકટર ડો. મનીષ કુમાર બંસલ એ જણાવ્યું હતું કે સીવિલ ડિફેન્સના ભાગરૂપે ભાવનગર જિલ્લામાં તા. ૭ મે ના રોજ યોજાનાર મોકડ્રીલ અને બ્લેકઆઉટ અંગે જિલ્લા કલેકટર ડો. મનીષ કુમાર બંસલની અધ્યક્ષતામાં બેઠક યોજાઇ હતી.આ બેઠકમાં જિલ્લા કલેકટર  દ્વારા સૂચિત એક્શન પ્લાનની સમીક્ષા કરવામાં આવી હતી તેમજ મોકડ્રીલ અને બ્લેકઆઉટ અંગે અધિકારીઓને જરૂરી માર્ગદર્શન આપવામાં આવ્યું હતું. અત્રે ઉલ્લેખનીય છે કે તા.૭ મે ના રોજ ભાવનગર જિલ્લામાં કોઈ ચોક્કસ સ્થળે મોકડ્રીલ કરવામાં આવશે.આ બેઠકમાં જિલ્લાવિકાસ અધિકારી  હનુલ ચૌધરી, પોલીસ અધિક્ષક ડો. હર્ષદ પટેલ, નિવાસી અધિક કલેકટર  એન. ડી. ગોવાણી, આરોગ્ય, ફાયર, આર.ટી. ઓ. સહિત વિવિધ વિભાગના અધિકારીઓ ઉપસ્થિત રહ્યા હતા.