ગ્રેટર નોઈડામાં એક ટોલ પ્લાઝા પર પોલીસકર્મીની દાદાગીરીનો વીડિયો સામે આવ્યો છે. પહેલા પોલીસ અધિકારી ટોલ બેરિયર ખોલવા બાબતે ટોલ સ્ટાફ સાથે દલીલ કરે છે. પછી તે બેરીયરને ખોલી નાખે છે. જ્યારે ટોલ કર્મચારીઓ ઇન્સ્પેક્ટરને આમ કરતા રોકવાનો પ્રયાસ કરે છે ત્યારે તે તેને થપ્પડ પણ મારે છે.

માહિતી અનુસાર ગ્રેટર નોઈડાના દાદરી પોલીસ સ્ટેશન વિસ્તારમાં NH-91 પર લુહારલી ટોલ પ્લાઝા પર એક ઈન્સ્પેક્ટરની ટોલ કર્મચારીઓ સાથે અથડામણ થઈ હતી. પોલીસકર્મીએ તો ટોલ કર્મચારીઓને બેરિયર વહેલા ખોલવા માટે માર માર્યો હતો અને પછી પોતે જ બેરિયર ખોલીને વાહનોને પસાર થવા દેવા લાગ્યા હતા. ઈન્સ્પેક્ટરનું આ કૃત્ય ટોલ પ્લાઝામાં લાગેલા સીસીટીવી કેમેરામાં કેદ થઈ ગયું હતું.

View this post on Instagram

A post shared by Aajkaal (@aajkaaldaily)

સીસીટીવી ફૂટેજમાં જોઈ શકાય છે કે એક પોલીસ કર્મચારીની ટોલ કર્મચારીઓ સાથે ઉગ્ર બોલાચાલી થઈ રહી છે. પછી તે પોતાની જાતે જ બેરીયર ખોલી નાખે છે. જ્યારે એક ટોલ અધિકારી તેને આ કરતા રોકવાનો પ્રયાસ કરે છે, ત્યારે તે તેને ધક્કો મારે છે અને બેરીયર ખોલે છે. દરમિયાન, અન્ય સ્ટાફ ફરીથી બેરિયર લગાવવાનો પ્રયાસ કરે છે તો ઇન્સ્પેક્ટર તેને પણ માર મારે છે અને જબરદસ્તીથી બેરિયર ખોલે છે.

વીડિયોમાં સ્પષ્ટપણે જોઈ શકાય છે કે ઈન્સ્પેક્ટર વારંવાર બેરિયર ખોલે છે અને જ્યારે તેને રોકવામાં આવે છે ત્યારે ટોલ કર્મચારીઓ સાથે મારપીટ શરૂ કરે છે. ઘણી દલીલબાજી પછી પણ પોલીસકર્મી સંમત થવા તૈયાર નથી અને ટોલ કર્મચારીઓને તેમનું કામ કરતા અટકાવતા વારંવાર બેરીયર ખોલતા રહે છે.