સકરબાગના નિયામક અક્ષય જોશીના જણાવ્યા મુજબ રાજકોટ પ્રદ્યુમન પાર્કમાંથી મળેલ બે સફેદ રોયલ બેંગોલ ટાઈગરમાં વાઘની ઉંમર પોણા ત્રણ વર્ષની છે જ્યારે વાઘણની ઉંમર અઢી વર્ષની છે. આ વાઘની જોડીના બદલામાં જૂનાગઢ ઝુમાથી એક સિંહણ અને એક સિંહ આપવામાં આવ્યા છે. બે વર્ષ પહેલા જૂનાગઢમાં વાઘની જોડી આવી હતી પરંતુ તેનું વયમયર્દિાના કારણે નિધન થયું હતું હવે ફરી એકવાર બેંગાલ ટાઇગરનું આગમન થયું છે જેથી લોકોને વાઘની જોડી નિહાળવા મળશે.
સફેદ વાઘ મુખ્યત્વે પશ્ચિમ બંગાળના સુંદરવન વિસ્તારમાં જોવા મળે છે સામાન્ય વાઘની જેવા જ જોવા મળતા આ પ્રકારના વાઘમાં મેલાનીન અભિરંજક ની ઉણપ હોવાથી સફેદ દેખાય છે. તેની આંખોનો કલર બ્લુ અને પગના પંજા નો કલર ગુલાબી હોય છે.
જુનાગઢ સક્કરબાગને જાણે કે ક્રીસમસ ગિફ્ટ મળી હોય તેમ બે વાઘ નું આગમન થયું છે અને નાતાલ પર્વ અંતર્ગત સકરબાગની મુલાકાતે પ્રવાસીઓને સફેદ વાઘ જોવા મળશે.