દસેક માસ પૂર્વે યુવાનની અલ્તાફ ડબલ મર્ડર સહિતનાએ હત્યા કરી હતી.જે હત્યા કેસ હાલ કોર્ટમાં બોર્ડ પર હોય મૃતક યુવાનના પિતાને શખ્સો  અવાર -નવાર સમાધાન કરી લેવા માટે કહેતા હતા પરંતુ સમાધાન કરવાની ના પાડયાની દાઝ રાખી મોડી રાત્રીના પાંચ જેટલા શખ્સો  હથીયારો સાથે ધસી આવી વડવા પાદર દેવકી વિસ્તારમાં આતંક મચાવ્યો હતો. અને વાહનોમાં તોડફોડ મચાવી હતી જેના પગલે ભારે ચકચાર મચી જવા પામી હતી અને પોલીસ કાફલો દોડી ગયો હતો.  શહેરના વડવા પાદર દેવકી વિસ્તારની મોચી બજાર,ચબુતરા પાસે, કોળીવાડના ખાંચામાં રહેતા યુસુફખાન અયુબખાન પઠાણે નિલમબાગ પોલીસ મથકમાં અમીન પાર્ટી, હસન અલ્તાફ દસાડીયા, અમન ઉર્ફે બાબુ, બગો ઉર્ફે ફકરૂદ્દીન, યાસીન માણીયા સામે ફરીયાદ નોંધાવી હતી કે, આજથી દસેક  માસ પૂર્વે  તેના પુત્ર  બિસ્મીલાખાનનું અલ્તાફ ઉર્ફે ડબલ મર્ડર અને અન્ય બે વ્યક્તિએ હત્યા કરી નાખી હોય જે હાલ આ કેસ કોર્ટમાં બોર્ડ ઉપર હોય જેથી અલ્તાફ દસાડીયાના ભાઈ ફારુકભાઈ તેને હત્યા  કેસમાં સમાધાન કરવાનુ કહેતા તેઓએ સમાધાન કરવાની ના પાડી હતી. તેની દાઝ રાખી  તેનો પુત્ર  અયાનખાન પેટ્રોલ પુરાવીને ઘરે આવતો હતો ત્યારે અમન પાર્ટી અને હસન દસાડીયાએ તેને ઉભો રાખી તમો કેસમા સમાધાન કરી નાખજો નહીંતર તને પણ તારા ભાઈની જેમ જાનથી મારી નાખીસુ તેવી ધમકી આપી હતી.
બાદ મોડી રાત્રીના  તમામ શખ્સો   હાથમાં છરા લઈને આવી તેના ઘર પાસે અપશબ્દો બોલી, બહાર નિકળો તેમ રાડુ પાડી તેના ઘર બહાર પાર્ક કરી રખાયેલા બાઈક અને રીક્ષામાં ધોકા-છરીના ઘા મારી તોડફોડ કરી નુકસાન પહોંચાડ્યું હતું અને તારા પુત્ર  અયાનને મારી નાખવો છે. સમાધાન કેમ કરતા નથી તેમ ધાક ધમકી આપી હતી. ઉક્ત બનાવને લઈ વિસ્તારમાં ભારે ચકચાર મચી જવા પામી હતી. અને પોલીસ કાફલો ઘટના સ્થળ પર દોડી આવ્યો હતો. આ અંગે  ફરીયાદના  અનુસંધાને પોલીસે તમામ સામે ગુનો દાખલ કરી ધોરણસર કાર્યવાહી હાથ ધરી હતી.