જમ્મુ અને કાશ્મીરના પહેલગામમાં થયેલા આતંકવાદી હુમલાથી દેશ આઘાત અને દુઃખી છે. હુમલાના પગલે દુખી બનેલા ગાયક અરિજિત સિંહે સોશિયલ મીડિયા પર એક પોસ્ટ શેર કરીને ચેન્નાઈ મ્યુઝિક કોન્સર્ટ રદ કરવાની માહિતી આપી હતી. તેમણે ઇન્સ્ટાગ્રામના સ્ટોરી સેક્શન પર એક તસવીર શેર કરી, જેમાં તેમણે લખ્યું, "તાજેતરની દુ:ખદ ઘટનાઓને ધ્યાનમાં રાખીને, આયોજકો અને કલાકારોએ સંયુક્ત રીતે આ રવિવારે 27 એપ્રિલે ચેન્નાઈમાં યોજાનારા આગામી શોને રદ કરવાનો નિર્ણય લીધો છે." અરિજિત સિંહે એમ પણ કહ્યું કે જે લોકોએ કોન્સર્ટ માટે ટિકિટ ખરીદી છે તેમને ટૂંક સમયમાં રિફંડ મળશે. તેમણે લખ્યું, "બધા ટિકિટ ખરીદનારાઓને પૈસા પાછા આપવામાં આવશે, પૈસા આપમેળે ચાહકોને પરત કરવામાં આવશે.

અભિનેતા અર્જુન રામપાલે પણ દુઃખ વ્યક્ત કર્યું

અગાઉ, પોસ્ટ શેર કરીને, અભિનેતા અર્જુન રામપાલે પહેલગામ આતંકવાદી હુમલાને કાયરતાપૂર્ણ અને ઘૃણાસ્પદ કૃત્ય ગણાવ્યું હતું. અભિનેતાએ કહ્યું કે કાશ્મીર ભારતમાં છે અને ભારતમાં જ રહેશે. ઇન્સ્ટાગ્રામ પર એક પોસ્ટ શેર કરતા, અભિનેતા અર્જુન રામપાલે આતંકવાદી હુમલાને કાયર અને ઘૃણાસ્પદ ગણાવ્યો અને લખ્યું, "પોતાનો બચાવ ન કરી શકતા નિર્દોષ લોકો પર હુમલો કરવો એ કાયર અને ઘૃણાસ્પદ કૃત્ય છે.