અંજીર વિશે તમે જે પણ વાંચ્યું હશે અથવા સાંભળ્યું હશે, તેમાં અંજીર સ્વાસ્થ્ય માટે કેટલું ફાયદાકારક છે તે વિશે જણાવવામાં આવ્યું હશે. પરંતુ હાલમાં જ સોશિયલ મીડિયા પર વાયરલ થયેલા એક વીડિયોને કારણે હવે શાકાહારી લોકો અંજીર ખાવામાં અચકાય છે. ચાલો જાણીએ કે શું અંજીર ખરેખર નોન-વેજ છે.

શું છે સમગ્ર મામલો

થોડા દિવસો પહેલા અભિનેત્રી શહેનાઝે તેના ઈન્સ્ટાગ્રામ એકાઉન્ટ પર એક વીડિયો પોસ્ટ કર્યો હતો અને લખ્યું હતું, 'હા, આ જ કારણે જૈન અંજીર નથી ખાતા. તેણીએ આગળ લખ્યું કે જ્યારે હું કુર્ગમાં નીતિનને મળી ત્યારે તેણે મને કહ્યું કે કેવી રીતે એક નાનકડું જંતુ અંજીર ઉગાડવા માટે પોતાનો જીવ બલિદાન આપે છે. જ્યારે માદા ભમરી ઇંડા મૂકે છે, ત્યારે તે અંજીરના ફૂલમાં પ્રવેશ કરે છે અને ત્યાં ઇંડા મૂકે છે. ફૂલમાં પ્રવેશતી વખતે માદાની પાંખો તૂટી જાય છે અને તે અંદર મરી જાય છે. આ પછી અંજીર આ જીવના મૃત શરીરને પચાવે છે.

શું અંજીર નોન-વેજ છે?

જો આપણે અભિનેત્રી શહેનાઝ દ્વારા આપવામાં આવેલા પરિપ્રેક્ષ્યથી જોઈએ, તો કદાચ હા. પરંતુ, એવા લાખો શાકાહારી લોકો છે જેઓ આ વાતને માનતા નથી અને તેના ફાયદાઓને કારણે અંજીર ખાય છે. જો કે, જૈન ધર્મને અનુસરતા લોકોને અંજીરથી દૂર રહેવાનું કહેવાય છે.

જૈન ધર્મના લોકો અંજીર કેમ નથી ખાતા?

વાસ્તવમાં જૈન ધર્મમાં માનનારા લોકો અહિંસાનું પાલન કરે છે અને માંસના સેવનથી દૂર રહે છે. આ જ કારણ છે કે આ સમુદાયના ઘણા લોકો અંજીરનું સેવન કરતા નથી. પરંતુ સામાન્ય શાકાહારી લોકો સાથે આવું થતું નથી. ઘણા શાકાહારીઓ માને છે કે ભમરી અંદર જાય છે અને ત્યાં મરી જાય છે અને અંજીરને પોષણ આપવું એ કુદરતી પ્રક્રિયા છે, તેથી અંજીર ખાઈ શકાય છે.

લોકો શું કહે છે

સોશિયલ મીડિયા પર વાયરલ થયેલા આ વીડિયો પર લોકો તરફથી અલગ-અલગ પ્રકારની કોમેન્ટ આવી રહી છે. આ પોસ્ટ પર ટિપ્પણી કરતા એક યુઝરે લખ્યું કે ટેકનિકલી રીતે જોઈએ તો અંજીરમાં ભાગ્યે જ એક ભમરી હોય છે. આ ભમરી પણ ફિકિન નામના એન્ઝાઇમને કારણે અંજીરની અંદરથી સંપૂર્ણપણે નાશ પામે છે અને પ્રોટીનમાં ફેરવાય છે. અન્ય એક યુઝરે કમેન્ટ કરી કે આ વીડિયો પર વિશ્વાસ ન કરો, કારણ કે આ વીડિયો ટેકનિકલી સંપૂર્ણ રીતે સાચો નથી.