જામનગરના મહારાજા સોસાયટીમાં રહેતા અબ્દુલ કાદીર આરબ નામના તરુણે અસામાજીક તત્વો અને ખંડણીખોરોના ત્રાસના કારણે ડેમમાં ઝંપલાવીને આપઘાત કરી લેતા શોકની લાગણી ફેલાઇ ગઇ હતી, દરમ્યાનમાં જામનગરના જમાતુલ અરબ દ્વારા આજરોજ જીલ્લા પોલીસવડાને આવેદનપત્ર આપવામાં આવ્યું છે, જેમાં અમુક અસામાજીક તત્વો અને ખંડણીખોરોના ત્રાસના કારણે તરુણે આપઘાત કરેલ છે આથી કિશોરને ન્યાય અપાવવા તથા ગુનેગારોને કડક સજા કરવા માંગણી કરી છે, મૃતકના અવસાન પહેલા તેની મારપીટ કરતી વિડીયો કિલપ બનાવી તેને બ્લેકમેલ અને ટોર્ચર કરતા હતા, ખંડણી આપ નહીતર વિડીયો વાયરલ કરી દેશું એવી ધમકી દેતા તરુણ હેબતાઇ ગયો હતો અને આત્મઘાતી પગલું ભરી લીધુ હતું. આરોપીઓને કડક સજા કરવાની માંગ સાથે આવેદન અપાયુ હતું, આ વેળાએ હાજી અલીભાઇ, હાજી યુસુફભાઇ અલ્ફાન, હાજી ઇબ્રાહીમભાઇ, હાજી ઇબ્રાહીમભાઇ બાજીયાત વિગેરે જોડાયા હતા.