દરેક સ્ત્રી ઈચ્છે છે કે તેની ત્વચા ચમકદાર દેખાય. ત્વચાની સંભાળ રાખવા માટે લોકો વિવિધ પ્રકારની બ્યુટી ટ્રીટમેન્ટ કરાવે છે. પરંતુ ઘણી વખત લોકોને ઈચ્છિત પરિણામ મળતું નથી. કેટલીકવાર બજારમાં ઉપલબ્ધ ક્રીમ અને બ્યુટી ટ્રીટમેન્ટ ત્વચાને નુકસાન પહોંચાડે છે.

ત્વચાને ડાઘ રહિત રાખવા માંગતા હોવ તો તમે કેટલાક ઘરેલું ઉપાયો અપનાવી શકો છો. જે ત્વચાને નુકસાન પહોંચાડતા નથી. ત્વચાને કોમળ રાખવામાં પણ આ ખૂબ ફાયદાકારક સાબિત થઈ શકે છે. તમને કેટલીક અસરકારક ટિપ્સ જણાવીએ, જેને તમે સ્નાન કરતા પહેલા અનુસરી શકો છો. ચાલો જાણીએ તેમના વિશે.

હળદર અને ચણાનો લોટ

જો તમે તમારી ત્વચાની સુંદરતા વધારવા માંગો છો, તો દરરોજ સ્નાન કરતા પહેલા હળદર અને  ચણાનાં લોટની પેસ્ટ કરી ચહેરા પર લગાવો. તેને લગાવ્યાના 10 થી 15 મિનિટ પછી ચહેરાને સારી રીતે ધોઈ લો. તેનાથી ત્વચા ચમકદાર બનશે.

કાકડીનો રસ

કાકડીનો રસ ત્વચા માટે પણ ખૂબ જ ફાયદાકારક છે. તેમાં પાણી ભરપૂર માત્રામાં જોવા મળે છે, જે ત્વચાને હાઈડ્રેટ રાખે છે. કાકડીને છીણીને તેનો રસ ચહેરા પર લગાવી શકો છો. તેને સ્નાન કરતા પહેલા થોડી વાર ત્વચા પર લગાવો.

મુલતાની માટી

મુલતામી માટી ચહેરા માટે પણ ખૂબ ફાયદાકારક છે. જો તમારા ચહેરા પર પીમ્પલ્સ વારંવાર થતા હોય તો મુલતાની માટી ચોક્કસ લગાવો. તમે દરરોજ સ્નાન કરતા પહેલા 2 ચમચી મુલતાની માટીમાં ગુલાબજળ મિક્સ કરીને લગાવી શકો છો. જો કે, શુષ્ક ત્વચાવાળા લોકોએ મુલતાની માટી ન લગાવવી જોઈએ.

ચંદન

ચંદન ઠંડકની અસર ધરાવે છે. તેની પેસ્ટ ચહેરા પર લગાવવાથી લાલાશ ઓછી થાય છે. આ માટે એક બાઉલમાં 2 ચમચી ચંદન પાવડર લો. પછી તેમાં ગુલાબજળ ઉમેરીને પેસ્ટ તૈયાર કરો. આ પેસ્ટને નહાવાના 15 મિનિટ પહેલા ચહેરા પર લગાવો. તેનાથી તમારા ચહેરા પર ઘણી ઠંડક આવશે.