ડેનિમ અથવા જીન્સ એક એવો વિકલ્પ છે જેને લગભગ દરેક પ્રસંગે પહેરીને કૂલ અને સ્ટાઇલિશ લુક મેળવી શકો છો. જ્યારે પહેલા તે ફક્ત કેઝ્યુઅલ આઉટિંગ પર પહેરવામાં આવતું હતું. હવે તે પાર્ટીઓ, ટ્રાવેલ્સમાં અને ઓફિસમાં પણ શર્ટ, ટી-શર્ટ અથવા ટોપ સાથે પહેરવામાં આવે છે. ડેનિમ કલેક્શન પુરુષો અને સ્ત્રીઓના કપડામાં જોઈ શકાય છે. સ્ત્રીઓ પાસે પણ આની ઘણી વેરાયટી હોય છે. જેમ કે શેપિંગ, સ્લિમ ફિટ, બૂટ કટ, બોયફ્રેન્ડ, મમ્મી અને હાઈ વેસ્ટ જીન્સ. આ જીન્સ સાથે સ્ટાઇલિશ ટોપ પહેરીને મિનિટોમાં આઉટીંગ અથવા પાર્ટી માટે તૈયાર થઈ શકો છો.

જીન્સના આ બધા વિકલ્પોમાં સૌથી વધુ લોકપ્રિય છે હાઈ વેસ્ટ જીન્સ. આના માટે માત્ર એક જ નહીં પરંતુ ઘણા કારણો છે.

બેલી ફેટ થઇ જાય છે કવર

હાઈ વેસ્ટ જીન્સની સૌથી ખાસ વાત એ છે કે તે પેટની ચરબીને સરળતાથી ઢાંકી દે છે. મતલબ  સ્લિમ ટ્રીમ ફિગર સિવાય, આ જીન્સ પ્લસ સાઈઝની મહિલાઓ માટે પણ શ્રેષ્ઠ વિકલ્પ છે. જો પેટ દેખાતું હોય તો તેની સાથે લોંગ ટોપ પહેરી શકો છો.

ઊંચાઈ મળે છે

હાઈ વેઈસ્ટ જીન્સ માત્ર ચરબીને છુપાવતું નથી પણ ઊંચા પણ દેખાડે  છે. જો ઊંચાઈ ઓછી છે, તો તમારા કપડામાં હાઈ વેસ્ટ જીન્સનો સમાવેશ કરવો જ જોઈએ.

નીચેથી ખરાબ નથી થતું

જો લો વેસ્ટ જીન્સ કે સામાન્ય જીન્સ સાથે ફ્લેટ કે શૂઝ કેરી ન કરો તો તે નીચેથી ખૂબ જ ગંદા થઈ જાય છે. જ્યારે હાઈ વેસ્ટ જીન્સ સાથે આ સમસ્યા નથી થતી. આની મદદથી તમારા કમ્ફર્ટ અનુસાર ફૂટવેર પસંદ કરી શકો છો.

સ્ટાઇલ માટે સરળ

આ જીન્સને ક્રોપ ટોપથી લઈને શર્ટ, લાંબા કુર્તા, સ્લીવલેસ ટોપ સુધીની કોઈપણ વસ્તુ સાથે પહેરી શકો છો અને દરેક લુક આકર્ષક લાગે છે.