'અનુપમા' સીરિયલમાં મેકર્સે ઘણી વખત લીપ લીધો છે. ઓક્ટોબરમાં પણ અનુપમામાં 15 વર્ષનો ટાઈમ લીપ હતો. આ કારણે ઘણા પાત્રો શોમાંથી બહાર થઈ ગયા હતા. શોમાં અનુજ કાપડિયાનું પાત્ર ભજવતા ગૌરવ ખન્ના વિશે હજુ પણ સસ્પેન્સ છે. આવી સ્થિતિમાં ચાહકો અનુમાન લગાવી રહ્યા છે કે ગૌરવે પણ શો છોડી દીધો છે. હવે અભિનેતાએ આખરે આ અંગે પોતાનું મૌન તોડ્યું છે અને વાત કરી છે.

ગૌરવે કહ્યું કે લોકો મને અનુપમામાં પાછા ફરવા વિશે પૂછે છે તે વિષે મેં રાજનસર સાથે વાત કરી હતી તેમણે મારી ગ્રાન્ડ રિ-એન્ટ્રી પર ચર્ચા કરી હતી. તે સાકાર થવા માટે 2 મહિના સુધી રાહ જોઈ ત્યારબાદ વધુ રાહ જોવાનો કોઈ અર્થ નહોતો. તેને એમ પણ લાગ્યું કે હવે મારા માટે કંઈક વધુ સારું કામ શોધવાનો સમય આવી ગયો છે. તેથી હમણાં માટે, અનુજનું પ્રકરણ બંધ છે પરંતુ હું તેને અલ્પવિરામ તરીકે જોઉં છું, પૂર્ણવિરામ તરીકે નહીં. જો વાર્તાની માંગ છે અને મને શેડ્યુલ અનુકુળ હશે, તો મને પાછા ફરવામાં આનંદ થશે."

તેણે આગળ કહ્યું કે તેનો રોલ ગેસ્ટ રોલથી શરૂ થયો હતો. ગૌરવે કહ્યું, “અનુજને મૂળ રીતે આ શોમાં ત્રણ મહિનાના કેમિયો તરીકે પ્લાન કરવામાં આવ્યો હતો પરંતુ તે ત્રણ વર્ષ સુધી ચાલનારી મારી કારકિર્દીનો નિર્ણાયક ભાગ બની ગયો. આ પ્રકારનો પ્રેમ દુર્લભ છે, અને હું આ માટે મારા ચાહકોનો આભાર શબ્દોમાં વ્યક્ત કરી શકતો નથી.

શું ગૌરવને રૂપાલી ગાંગુલી સાથે કોઈ અણબનાવ હતો?

જ્યારે શોની મુખ્ય અભિનેત્રી રૂપાલી ગાંગુલી સાથે અણબનાવની અફવાઓ વિશે પૂછવામાં આવ્યું ત્યારે, ગૌરવ ખન્નાએ કહ્યું, “હું રિવેન્જફૂલ ઇન્ટરવ્યુમાં ભાગ લેતો નથી અથવા અફવાઓ પર પ્રતિક્રિયા આપતો નથી. અમે સાથે મળીને બનાવેલ કાર્ય મહત્ત્વપૂર્ણ છે. હું હંમેશા મારા કામ પર ધ્યાન કેન્દ્રિત કરું છું અને 'એક્શન' અને 'કટ' સિવાય શું થાય છે તે ગૌણ છે."

ગૌરવ ખન્નાએ ઘણી સિરિયલોમાં કામ કર્યું

રૂપાલી ગાંગુલી અને સુધાંશુ પાંડે અભિનીત પ્રખ્યાત શો અનુપમામાં અનુજ કાપડિયાની ભૂમિકા માટે ગૌરવને ખૂબ પ્રશંસા મળી હતી. અનુજ અને અનુપમા તરીકે ગૌરવ અને રૂપાલીની ઓન-સ્ક્રીન જોડીને ચાહકોએ ખૂબ વખાણી હતી. અનુપમા ઉપરાંત અભિનેતા સીઆઈડી, કુમકુમ: એક પ્યારા સા બંધન, મેરી ડોલી તેરે અંગના, જીવન સાથી, સસુરાલ સિમર કા, તેરે બિન અને ગંગા જેવા શોમાં પણ જોવા મળ્યો છે.