જામનગર શહેરમાં બોગસ બેન્ક ખાતા સબબ વધુ એક ફરીયાદ

December 17, 2025 05:34 PM

જામનગરમાં મ્યુલ હન્ટ અંતર્ગત ચાલી રહેલી કાર્યવાહીમાં અત્યાર સુધી ૨૨ ગુના દાખલ થઇ ચુકયા છે અને તપાસ જુદી જુદી દીશામાં ચાલી રહી છે, દરમ્યાન વધુ એક મામલો પોલીસ મથકે પહોચ્યો છે જેમાં બે શખ્સો સામે ફરીયાદ કરી છે. ૨૨.૨૭ લાખના નાણા ગેરકાયદે હેરફેર થયાનું જાણવા મળ્યું છે.

રાજયમાં મ્યુલ હન્ટ ઓપરેશન અંતર્ગત અલગ અલગ જગ્યાએ તપાસ દરમ્યાન બેન્ક ખાતા ભાડે આપી કમિશનની લાલચમાં મોટાપાયે નાણાંની હેરફેર કરવામાં આવી રહી છે, જે અનુસંધાને જામનગરમાં અત્યાર સુધી ૨૨ ફરીયાદ ૫૦ શખ્સો વિરુઘ્ધ નોંધાઇ ચુકી છે.

ગઇકાલે સીટી-સી ડીવીઝનના કોન્સ મયુરસિંહ જાડેજા દ્વારા જાતે ફરીયાદી બનીને બેડીબંદર રીંગરોડ, શિવ ટાઉનશીપ પ્લોટ ૪૧/૧ ખાતે રહેતા ભાવિક અરશી ડેર અને જામનગરના લક્ષ્મીપાર્કમાં રહેતા પ્રવિણ ભોજા નંદાણીયા તથા તપાસમાં જે ખુલે તેની સામે ફરીયાદ નોંધાવી હતી.

જેની વિગત મુજબ બંને આરોપીઓએ કાવતરૂ રચીને ભાવિકે પ્રવિણને પોતાનું બેન્ક ખાતુ ઉપયોગ કરવા આપી કમિશન મેળવી ઇન્ટરનેટ અથવા કોઇ માઘ્યમથી છેતરપીંડીથી મેળવેલા ગેરકાયદે નાણાંની હેરફેરના ઇરાદાથી બેન્ક ખાતામાં ૨૨.૨૭.૯૮૧ની રકમ નખાવી ચેક-એટીએમ દ્વારા ઉપાડી લઇ સગેવગે કરવા માટે એકબીજાને મદદગારી કરી ગેરકાયદે ટ્રાન્જેકશન કરાયુ હતું. જે ફરીયાદની તપાસ પીએસઆઇ પરમાર ચલાવી રહયા છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર શહેરમાં બોગસ બેન્ક ખાતા સબબ વધુ એક ફરીયાદ

Recent News

Gujarat's No. 1 evening newspaper