ટીવી સિરિયલો અથવા ફિલ્મોમાં જોયું હશે કે જ્યારે કોઈ વ્યક્તિને મૃત્યુદંડની સજા આપવામાં આવે છે ત્યારે તે વ્યક્તિને તેની અંતિમ ઈચ્છા વિશે પૂછવામાં આવે છે. આ કાયદો લગભગ દરેક દેશમાં છે. જો કે  ઘણી વખત એવું બને છે કે કેદીઓ ઉલ્ટું-સીધું કંઈ પણ માંગી લે છે. એવી જ એક વાત લોકોમાં ચર્ચાઈ રહી છે. જ્યાં એક કેદીએ મરતા પહેલા અજીબ ઈચ્છા વ્યક્ત કરી હતી. જેના વિષે જાણીને ખૂબ જ નવાઈ લાગશે.

વાત છે અમેરિકાના રહેવાસી વિક્ટર હેરી ફેગરની, જેને 1968માં મોતની સજા આપવામાં આવી હતી. એક રિપોર્ટ અનુસાર, જે સમયે તેને સજા સંભળાવવામાં આવી ત્યારે વિક્ટર 28 વર્ષનો હતો અને તેને આ સજા એક ડોક્ટરની હત્યા માટે મળી હતી. આ પછી તેને મૃત્યુદંડની સજા મળી. ફેગ્યુરે તેના છેલ્લા ભોજન માટે એક ઓલિવ માંગ્યું હતું, જેની અંદર બીજ હોય. એવું માનવામાં આવે છે કે ફેગ્યુરે ફક્ત ઓલિવ ખાધું હતું કારણકે તેને આશા હતી કે જ્યારે તેને દફનાવવામાં આવશે ત્યારે તેમાંથી એક ઓલિવનું વૃક્ષ ઉગશે છે. જે લોકો માટે શાંતિનું પ્રતિક ગણાશે.

તેને મોતની સજા કેમ મળી?

એક રેકોર્ડ અનુસાર અમેરિકન વ્યક્તિ વિક્ટર હેરી ફેગરને એક ખાસ પ્રકારની દવાની જરૂર હતી. જેના માટે તેણે યલો પેજીસ પરથી ડો.એડવર્ડ બાર્ટલ્સનો સંપર્ક ઉપાડ્યો હતો અને તેને દર્દી તરીકે દર્શાવીને નકલી સરનામે બોલાવ્યો હતો. જે બાદ તેણે ડોક્ટરનું અપહરણ કર્યું અને તેમ છતાં ડોક્ટરે તેને આ દવા આપવાની ના પાડી ત્યારે તેણે ડોક્ટરની હત્યા કરી નાખી.

આ ગુનાના થોડા દિવસો પછી  વિક્ટર પોલીસથી બચવા માટે ડૉક્ટરની કારનો ઉપયોગ કરતો રહ્યો અને અંતે તે એફબીઆઈના હાથે ઝડપાઈ ગયો અને હત્યાના તમામ પુરાવા તે કારમાં હાજર હતા. આમ છતાં તે પોતાને નિર્દોષ ગણાવતો હતો. ઘણી અપીલો પછી આખરે તેને 1968 માં દોષી ઠેરવવામાં આવ્યો અને મૃત્યુદંડની સજા ફટકારવામાં આવી.