અમિતાભ બચ્ચન અને અલ્લુ અર્જુને તાજેતરમાં જ સોશિયલ મીડિયા પ્લેટફોર્મ X પર એકબીજા સાથે વાતચીત કરી હતી. આ દરમિયાન બંનેએ એકબીજાના કામના વખાણ પણ કર્યા હતા. અમિતાભે અલ્લુ અર્જુનના કામ અને પ્રતિભાના વખાણ કર્યા તો અલ્લુ અર્જુને અમિતાભને પોતાના પ્રેરણાસ્ત્રોત ગણાવ્યા.

અમે તમારા કામ અને પ્રતિભાના પ્રશંસક છીએ
હવે આ વીડિયો પર અમિતાભ બચ્ચને પ્રતિક્રિયા આપી છે. અભિનેતાએ તેમના X હેન્ડલ પર અલ્લુ અર્જુનનો જૂનો વીડિયો શેર કર્યો અને પોસ્ટના કેપ્શનમાં લખ્યું - હું તમારા આ શબ્દો માટે આભાર વ્યક્ત કરું છું. અમે બધા તમારા કામ અને તમારી પ્રતિભાના મોટા ચાહકો છીએ. હું આશા રાખું છું કે તમે અમને બધાને પ્રેરણા આપતા રહેશો. અમિતાભે આગળ લખ્યું- તમારી સફળતા માટે મારી પ્રાર્થના અને શુભકામનાઓ હંમેશા તમારી સાથે છે.

#AlluArjun ji .. so humbled by your gracious words .. you give me more than I deserve .. we are all such huge fans of your work and talent .. may you continue to inspire us all .. my prayers and wishes for your continued success ! https://t.co/ZFhgfS6keL

— Amitabh Bachchan (@SrBachchan) December 9, 2024

અલ્લુ અર્જુનનો વીડિયો સોશિયલ મીડિયામાં વાઈરલ
સાઉથ એક્ટર અલ્લુ અર્જુનની ફિલ્મ 'પુષ્પા-2' 6 ડિસેમ્બરે સિનેમાઘરોમાં રિલીઝ થઈ છે. ફિલ્મે તેની રિલીઝના ચાર દિવસમાં વિશ્વભરમાં 800 કરોડ રૂપિયાનું કલેક્શન કર્યું છે. ફિલ્મની સફળતા વચ્ચે અલ્લુ અર્જુનનો એક જૂનો વીડિયો સોશિયલ મીડિયા પર વાઇરલ થઈ રહ્યો છે. અભિનેતાનો આ વીડિયો વર્ષ 2021માં રિલીઝ થયેલી 'પુષ્પા - ધ રાઇઝ'ના પ્રમોશન સમયનો છે. આ વીડિયોમાં અલ્લુ અર્જુન અમિતાભ બચ્ચનના વખાણ કરતો જોવા મળી રહ્યો છે.

મને અમિતાભ બચ્ચન પાસેથી પ્રેરણા મળે છે- અલ્લુ અર્જુન
અમિતાભ બચ્ચન વિશે વાત કરતાં અલ્લુ અર્જુને કહ્યું હતું કે, મને અમિતાભ બચ્ચન પાસેથી સૌથી વધુ પ્રેરણા મળે છે, હું તેમનાથી ખૂબ પ્રભાવિત છું, કારણ કે આપણે બધા તેમની એક્ટિંગ જોઈને મોટા થયા છીએ. તેણે વધુમાં કહ્યું કે આજે પણ જ્યારે હું તેમને અભિનય કરતા જોઉં છું ત્યારે મને આશ્ચર્ય થાય છે કે શું હું આ ઉંમરે પણ તેમની જેમ શાનદાર અભિનય કરી શકીશ. એટલા માટે હું ઈચ્છું છું કે જો તમારે 60, 70 વર્ષની ઉંમરે કામ કરવું હોય તો તમારે અમિતાભજીની જેમ સુંદર કામ કરવું જોઈએ.