પ્રકૃતિનું અદભુત રહસ્ય: ન્યૂયોર્કના સ્મશાન નીચે ધબકે છે 55  લાખ મધમાખીઓનું સામ્રાજ્ય, ૧૦૦ વર્ષ જૂના ઇતિહાસનો ખુલાસો
અમેરિકાના ન્યૂયોર્ક રાજ્યમાંથી કુદરતના એક અદભુત અને અકલ્પનીય સામ્રાજ્યની શોધ થઈ છે. અહીંના એક શાંત સ્મશાન (કબ્રસ્તાન) ની જમીન નીચેથી અંદાજે  55 લાખ (5.5  મિલિયન) માઇનિંગ મધમાખીઓનો વિશાળ ભંડાર મળી આવ્યો છે. વિજ્ઞાન જગતને ચોંકાવી દેનારી આ શોધ કોઈ હોલીવુડ ફિલ્મની વાર્તા જેવી જ રોમાંચક છે.આ અનોખા ૧૦૦ વર્ષ જૂના રહસ્ય અને પર્યાવરણ માટે તેના અદભુત ફાયદાઓનો 
અદભુત શોધ ન્યૂયોર્કના ઇથાકા શહેરમાં આવેલા 'ઇસ્ટ લોન સેમેટરી' (East Lawn Cemetery) ખાતે થઈ છે. આ શોધ પાછળ વૈજ્ઞાનિકોની કોઈ પૂર્વ યોજના નહોતી, પરંતુ એક નાનકડી આકસ્મિક ઘટના જવાબદાર હતી.
કેવી રીતે થયો આ મહા-સામ્રાજ્યનો પર્દાફાશ?
કોર્નેલ યુનિવર્સિટીની લેબ ટેકનિશિયન રેચેલ ફોર્ડિસ એક દિવસ પાર્કિંગના પૈસા બચાવવા માટે આ સ્મશાનના રસ્તેથી પગપાળા પસાર થઈ રહ્યા હતા. ચાલતી વખતે તેમની નજર જમીન પર ભણભણતી કેટલીક અજાણી મધમાખીઓ પર પડી. તેમણે કુતૂહલવશ લેબોરેટરીમાં તેની તપાસ કરી અને જ્યારે વૈજ્ઞાનિકોની ટીમે આ આખા 1.5  એકર વિસ્તારમાં સંશોધન (રિસર્ચ) શરૂ કર્યું, ત્યારે જમીન નીચે છુપાયેલું આખું સામ્રાજ્ય બહાર આવ્યું.
૧૦૦ વર્ષથી માણસોની નજરથી દૂર હતું આ સ્માર્ટ ઘર'એપિડોલોજી' જર્નલમાં પ્રકાશિત થયેલા અહેવાલના મુખ્ય લેખક સ્ટીવન ટી. હોગે જણાવ્યું કે, આ મધમાખીઓ 'એન્ડ્રેના રેગ્યુલેરિસ' (Andrena regularis) પ્રજાતિની છે.
૧૯૦૦ની શરૂઆતથી વસવાટ:-આ મધમાખીઓ અહીં વર્ષ ૧૯૦૦ ની શરૂઆતથી, એટલે કે પાછલા ૧૦૦ કરતાં વધુ વર્ષોથી જમીનની અંદર કોઈની પણ ખલેલ વિના ગુપચુપ રીતે રહી રહી છે.
અનોખો સ્વભાવ:-સામાન્ય રીતે આ પ્રજાતિની માઇનિંગ મધમાખીઓ એકલા રહેવાનું પસંદ કરે છે. પરંતુ આ સ્મશાનની માટી તેમના ઘર બનાવવા માટે ખૂબ જ અનુકૂળ અને નરમ હોવાથી લાખો મધમાખીઓએ એકસાથે મળીને જમીનની અંદર વિશ્વની સૌથી મોટી કોલોનીઓમાંથી એકનું નિર્માણ કરી દીધું.
 સફરજનની ખેતી માટે વરદાન સાબિત થઈ રહ્યો છે આ પરિવારઆ 55 લાખ મધમાખીઓનું સ્મશાન નીચે હોવું એ પ્રકૃતિનું એક અદભુત આયોજન છે. આ સ્મશાનથી માત્ર ૫૦૦ મીટરના અંતરે કોર્નેલ ઓર્ચાર્ડ્સ (સફરજનની વાડીઓ) આવેલી છે.
પરફેક્ટ ટાઇમિંગ:- વસંત ઋતુ (Spring Season) માં જ્યારે સફરજનના વૃક્ષો પર ફૂલો બેસવાની શરૂઆત થાય છે, બરાબર તે જ સમયે આ લાખો મધમાખીઓ જમીનમાંથી બહાર આવે છે.બમણો ફાયદો: આ મધમાખીઓ સફરજનના ફૂલો પર બેસીને પરાગનયન (Pollination) ની પ્રક્રિયામાં અદભુત મદદ કરે છે, જેનાથી સફરજનનો પાક ઉત્કૃષ્ટ થાય છે અને બદલામાં મધમાખીઓને ભરપૂર ખોરાક મળી રહે છે.આજે જ્યારે ગ્લોબલ વોર્મિંગના કારણે વિશ્વભરમાંથી મધમાખીઓની વસ્તી લુપ્ત થવાનું જોખમ તોળાઈ રહ્યું છે, ત્યારે અચાનક 55 લાખ મધમાખીઓની આ સુરક્ષિત અને વિશાળ ઇકોસિસ્ટમ મળવી તે પર્યાવરણ પ્રેમીઓ અને વૈજ્ઞાનિકો માટે ખૂબ જ મોટા અને આનંદના સમાચાર છે.
.