વોશિંગ્ટન યુનિવર્સિટી સ્કૂલ ઓફ મેડિસિન અને વેટરન્સ અફેર્સ સેન્ટ લુઇસ હેલ્થ કેર સિસ્ટમના વૈજ્ઞાનિકોએ જણાવ્યું હતું કે જ્યારે દેશમાં ઓમિક્રોન વેરિઅન્ટ ફેલાઈ રહ્યો હતો ત્યારે લોકોમાં એસએઆરએસ-સીઑવી-2 સંક્રમણ રહ્યા પછી લાંબા સમય સુધી કોવિડ થવાની શક્યતા 3.5 ટકા ઓછી નોંધાઈ છે. તેમ છતાં, જોખમ સંપૂર્ણપણે દૂર થયું નથી. સંશોધન સૂચવે છે કે ઘટાડા છતાં, દર અઠવાડિયે સેંકડો લોકો હજુ પણ વારંવાર કમજોર સ્થિતિ વિકસાવી રહ્યા છે. અભ્યાસના વરિષ્ઠ લેખક, રોગચાળાના નિષ્ણાત ઝિયાદ અલ-અલીએ જણાવ્યું હતું કે, જોખમમાં ઘટાડો એ ચોક્કસપણે આવકારદાયક સમાચાર છે પરંતુ બાકીનું જોખમ મોટું છે અને તેનાથી લાખો વધુ લોકો લાંબા ગાળાના કોવિડથી પીડાઈ શકે છે.
વર્લ્ડ હેલ્થ ઓર્ગેનાઈઝેશન કહે છે કે વિશ્વભરમાં કોવિડના હજારો કેસ નોંધાઈ રહ્યા છે. હોમ ટેસ્ટિંગ અને અન્ડર-રિપોર્ટિંગને કારણે ચેપ્ની વાસ્તવિક સંખ્યા સંભવત: ઘણી વધારે છે. એપ્રિલના અંતમાં યુ.એસ. સેન્ટર્સ ફોર ડિસીઝ કંટ્રોલ એન્ડ પ્રિવેન્શન દ્વારા હાથ ધરવામાં આવેલા એક ઘરેલુ સર્વેક્ષણમાં જાણવા મળ્યું છે કે લગભગ 4 ટકા પુખ્ત અમેરિકન પુરુષો અને 6.6 ટકા સ્ત્રીઓને લોંગ ટર્મ કોવિડની અસર નોંધાઈ હતી, જેને કોવિદ-19 ની પોસ્ટ-એક્યુટ સિક્વેલી તરીકે પણ ઓળખવામાં આવે છે.
ન્યૂ ઈંગ્લેન્ડ જર્નલ ઑફ મેડિસિનમાં બુધવારે પ્રકાશિત થયેલ અલ-અલીના સંશોધનમાં જાણવા મળ્યું છે કે પીએએસસીની ઘટતી ઘટનાઓ મુખ્યત્વે કોવિડ સામે રસીકરણને કારણે હતી અને થોડા અંશે. અલ-અલી અને સહકર્મીઓએ અભ્યાસમાં જણાવ્યું હતું કે, રસીનો ઉપયોગ રોગચાળાના અગાઉના તબક્કાની તુલનામાં પીએએસસીની ઓછી સંચિત ઘટનાઓ જાળવવા માટે મહત્વપૂર્ણ રહેશે. આ સંશોધન 441,583 નિવૃત્ત સૈનિકોના ઇલેક્ટ્રોનિક આરોગ્ય રેકોર્ડના વિશ્લેષણ પર આધારિત હતું જેઓ એસએઆરએસ-સીઑવી-2 ચેપથી પીડિત હતા.