તળાજા શહેરમાં કોમ્બીંગની સાથોસાથ હથિયારોનો જથ્થો ઝડપાયો હતો, જે જથ્થો રાખનાર બંને શખસોને પોલીસે મારમાર્યો હોવાનો આક્ષેપ કર્યો હતો.
તળાજા પોલીસે હથીયાર નો જથ્થો રાખવા બદલ પકડેલા બંને આરોપોઓને બપોરબાદ છોડી મુક્યા હતા.બાદ સાંજના પાંચેક વાગ્યા આસપાસ બંને આરોપી હાજીભાઈ હુસેનભાઈ બાવનકા (ઉ.વ.૩૨), હુસેનભાઈ અલારખ બાવનકા (ઉ.વ.૩૬) તળાજા હોસ્પિટલમાં દાખલ થયા હતા. અહીં તેઓએ તબીબ અને મીડિયા સમક્ષ પોલીસે માર માર્યાનો આરોપ લગાવ્યો હતો. મહિલાઓએ મહિલા પોલીસ વગર ઘરમાં તપાસ કરીનો આરોપ લગાવ્યો હતો. જો કે  પોલીસે આરોપો ને ફગાવ્યા હતા.  પોલીસે સ્થળ તપાસમા જે તીક્ષ્ણ હથિયારો નો જથ્થો ઝડપ્યો તે હથિયારો ક્યાં પડયા છે તે ચોક્સ બાતમી કોઈ અંદરના વ્યક્તિ એજ આપી હોવી જોઈએ તેવી પણ ચર્ચાઓ થઈ રહી છે.હાજીભાઈ બાવનકાને વધુ સારવાર માટે ભાવનગર લઈ જવામાં આવ્યા હતા.