બેડલા ગામમાં એગ્રી.સ્પ્રે પંપનું કૌંભાડ : જળસ્ત્રાવ વિકાસ સમિતીના ચેરમેન સામે ફરિયાદ

રાજકોટ તાલુકાના બેડલા ગામમાં એગ્રી.સ્પ્રે પંપનું કૌંભાડનો પર્દાફાશ થયો છે. ૧૨૦ પંપના રૂપિયા વસૂલીને સરકારની તિજોરીમાંથી ૫.૫૮ લાખ રૂપિયા મેળવીને ઉચાપાત કરી હતી. ત્યારે હવે તપાસ સમિતિના રિપોર્ટના આધારે ફરિયાદ નોંધાઇ છે. 

રાજકોટ તાલુકાના બેડલા ગામમાં એગ્રી.સ્પ્રે પંપનું કૌંભાડ ઝડપાયું છે. વર્ષ ૨૦૨૨-૨૩ની પ્રધાનમંત્રી કૃષિ સિંચાઇ યોજના અંતર્ગત બેડલા ગામને ૧૨૦ પંપની ફાળવણી થઇ હતી. જેમાંથી ૬૩ લાભાર્થીઓને પમ્પ આપ્યા નહિ. જો કે આ પંપ સરકારી ચોપડે ઉધારાયા છે. જેમાંથી જળસ્ત્રાવ વિકાસ સમિતીના ચેરમેન અજય સોરાણીએ સરકાર પાસેથી ૧૨૦ પંપના રૂપિયા વસૂલીને સરકારની તિજોરીમાંથી ૫.૫૮ લાખ રૂપિયા મેળવીને ઉચાપાત કરી હતી. સમગ્ર મામલે ખેડૂતે જિલ્લા વિકાસ અધિકારીને ફરિયાદ કરતા મામલો સામે આવ્યો છે. ત્યારે તપાસ કમિટીના રિપોર્ટના આધારે સમિતીના પ્રમુખ સામે છેતરપિંડીની ફરિયાદ નોંધાઇ છે.