સાઉથના સુપરસ્ટાર વિજયનો દીકરો જેસન સંજય ટૂંક સમયમાં જ ફિલ્મ 'સિગ્મા' થી ડિરેક્ટર (નિર્દેશક) તરીકે પોતાના કરિયરની શરૂઆત કરવા જઈ રહ્યો છે. ફિલ્મની રિલીઝ પહેલાં આપેલા એક ઇન્ટરવ્યુમાં તેણે પોતાના અભિનય કરિયરને લઈને પણ ખુલીને વાત કરી છે. જેસને જણાવ્યું કે જ્યારે તે ૨૦ વર્ષનો હતો, ત્યારે ડિરેક્ટર અલ્ફોન્સ પુથરેને તેને એક ફિલ્મમાં એક્ટિંગની ઓફર આપી હતી, પરંતુ તે સમયે તેણે આ ઓફર ઠુકરાવી દીધી હતી કારણ કે તેનું પૂરું ધ્યાન ફક્ત ડિરેક્શન પર જ હતું.જોકે, જેસને એ પણ સ્વીકાર્યું છે કે તેની અંદર એક અભિનેતા પણ છુપાયેલો છે. પરંતુ અત્યારે તેનું પૂરું ફોકસ પોતાની ફિલ્મનું ડિરેક્શન કરવા અને તેને સફળ બનાવવા પર છે. બીજી તરફ, તેના આ નિવેદન પછી તેના ચાહકો તેને પડદા પર હીરો તરીકે જોવા માટે ખૂબ જ ઉત્સાહિત થઈ ગયા છે.તાજેતરમાં જ જેસન ફિલ્મની પ્રમોશનલ સોંગ 'સિગ્મા સ્ટાઈલ' માં જોવા મળ્યો હતો, જેના પછી તેના એક્ટિંગ ડેબ્યૂની ચર્ચાઓ શરૂ થઈ ગઈ હતી. આ બાબતે તેણે સ્પષ્ટતા કરી કે ગીતમાં તેની હાજરીનો મતલબ એવો નથી કે તે અભિનેતા બનવા માંગે છે. તેણે કહ્યું કે આ ગીત માત્ર ફિલ્મની ટીમ અને તેની સ્ટાઈલને દર્શકો સામે રજૂ કરવા માટે બનાવવામાં આવ્યું હતું, તેથી તેણે તેમાં માત્ર મનોરંજન માટે ડાન્સ કર્યો હતો.જો કે, જેસને એ વાત સ્વીકારી કે તેની અંદર એક એક્ટર છે. તેણે કહ્યું, "જ્યારે એક ડિરેક્ટર સેટ પર કલાકારોને કોઈ સીન વિશે સમજાવે છે, ત્યારે તેની અંદરનો અભિનેતા પણ બહાર આવે છે. હાલમાં મારી સૌથી મોટી જવાબદારી 'સિગ્મા' ને સફળ બનાવવાની છે. અત્યારે મારું આખું ધ્યાન ફિલ્મની રિલીઝ પર છે. ફિલ્મ રિલીઝ થયા પછી જ હું નક્કી કરીશ કે આગળ એક્ટિંગ કરવી છે કે પછી ડિરેક્શનને જ ચાલુ રાખવું છે.'સિગ્મા' નું નિર્માણ લાયકા પ્રોડક્શન દ્વારા કરવામાં આવ્યું છે. આ ફિલ્મમાં સંદીપ કિશન અને ફારિયા અબ્દુલ્લા મુખ્ય ભૂમિકામાં જોવા મળશે. હાલમાં આ ફિલ્મની રિલીઝ ૩૧ જુલાઈ નક્કી કરવામાં આવી છે, જોકે અહેવાલો છે કે ફિલ્મ ઓગસ્ટ સુધી લંબાઈ શકે છે. તેનું એક કારણ વિજયની ફિલ્મ 'જના નાયકન' ની નવી રિલીઝ ડેટ પણ માનવામાં આવી રહી છે.