રેલ્વેએ ઈન્ડિયન રેલ્વે કેટરિંગ એન્ડ ટુરિઝમ કોર્પોરેશન (આઇઆરસીટીસી) ના સહયોગથી મુસાફરોને, ખાસ કરીને બિનઆરક્ષિત કોચ (જનરલ)માં પોષણક્ષમ ભાવે  રૂ. 20માં (પૂરી નંગ સાત 150 ગ્રામ આલુ સબ્જી 12 ગ્રામ અથાણું) ની આરોગ્યપ્રદ કિફયતી ભોજનસેવાની એક નવી પહેલ શરૂ કરી છે.

હાલ ઉનાળો વેકેશનની રજાઓમાં મુસાફરોની સંખ્યામાં વધારાને ધ્યાનમાં રાખીને આ પહેલ કરવામાં આવી છે. જેમાં હાલ મુંબઈ સેન્ટ્રલ, બાંદ્રા ટર્મિનસ, ભરૂચ, વડોદરા અને ચિતોડગઢ સ્ટેશનો પર અનરિઝર્વ્ડ કોચ (જનરલ ક્લાસ કોચ) માં મુસાફરો માટે  ઓછી કિંમતે/ પરવડે તેવી રૂ. 20માં ભોજન ઉપરાંત રૂ. 50માં કોમ્બો ભોજન ( રાજમા અથવા છોલે, ચાવલ કેસરોલ 350 ગ્રામ, ખીચડી અથવા પોંગલ 350 ગ્રામ) આને રૂ. 3માં 200 એમએલ રેલનીરની સુવિધા શરૂ કરી છે.

પશ્ચિમ રેલ્વેના મુખ્ય જનસંપર્ક અધિકારી  સુમિત ઠાકુર દ્વારા જણાવાયા મુજબ, ઓછા ખર્ચે/સસ્તા ભોજન માટેના કાઉન્ટરો પ્લેટફોર્મ પર જનરલ સેક્ધડ (જીએસ) વર્ગના કોચના સ્થાનની નજીકમાં જ ઊભા કરવામાં આવી રહ્યા છે. જેમાં રૂ. 20/-માં સમતોલ ભોજન ઉપલબ્ધ બનાવવામાં આવી રહ્યું છે. જેમાં હવે કાઉન્ટર્સ 100 થી વધુ સ્ટેશનો અને કુલ 150 જેટલા કાઉન્ટર્સ પર કાર્યરત છે. નજીકના ભવિષ્યમાં વધુ સ્ટેશનોનો સમાવેશ કરીને આ પહેલને વધુ વિસ્તારવાની યોજના છે.