ભરૂચમાં એક યુવકને સળગાવી દેતા સારવારમાં દમ તોડયો : લગ્નના બહાને ઠગાઇ થતા વિફરેલા યુવાને કૃત્ય આચર્યુ

જામનગરના એક યુવાન સાથે લગ્નના બહાને ઠગાઇ થયાનું બહાર આવતા વિફરેલા શખ્સે થોડા દિવસો પહેલા ભરૂચમાં ચાલી વિસ્તારમાં રહેતા યુવાનને જીવતો સળગાવી દેવાનો પ્રયાસ કર્યો હતો, આ પ્રકરણમાં જે તે વખતે પોલીસ દ્વારા કાર્યવાહી કરવામાં આવી હતી, દરમ્યાન ગંભીર રીતે દાઝી ગયેલા યુવાને સારવાર દરમ્યાન દમ તોડતા જામનગરના શખ્સ સામે હત્યાની કલમનો ઉમેરો કરવામાં આવતા ચકચાર વ્યાપી છે.

પોલીસ સુત્રોમાથી જાણવા મળતી વિગત મુજબ જામનગરના ગુલાબનગર વિસ્તારમાં રહેતા દિલીપ રમેશભાઇ સોલંકીએ થોડા દિવસો પહેલા ભરૂચના વસંત મીલની ચાલ વિસ્તારમાં રહેતા કિશન વસાવા નામના યુવાન પર પેટ્રોલ જેવુ પ્રવાહી છાંટી આગ ચાપીને ફરાર થઇ ગયો હતો, કિશન નામનો યુવાન શરીરે દાઝી જતા ભ ચની સીવીલ હોસ્પીટલ બાદ વધુ સારવાર માટે ખાનગી હોસ્પીટલમાં દાખલ કરવામાં આવ્યો હતો જયાં આશરે 17 દિવસની સારવારમાં તેનું મૃત્યુ નિપજયુ હતું.

આ બનાવમાં જે તે વખતે પોલીસ દ્વારા ફરીયાદ દાખલ કરવામાં આવી છે, દરમ્યાન સારવારમાં દાઝી ગયેલા યુવાને દમ તોડતા આ બનાવમાં હત્યાની કલમનો જામનગરના શખ્સ સામે ઉમેરો થયો છે, લગ્ન કરાવવાના બહાને જામનગરના યુવાન સાથે દોઢ લાખની ઠગાઇ થયાનું સામે આવ્યુ હતું, જે તે વખતે દિલીપને અટકાયતમાં લેવામાં આવ્યો હતો જો કે આ પ્રકરણમાં અન્ય શખ્સોની ધરપકડ  થઇ નથી જેથી તપાસ બાબતે આક્ષેપો કરવામાં આવી રહયા હતા.