દીપિકા પાદુકોણ અને રણવીર સિંહ માતા-પિતા બની ગયા છે. દીપિકાએ દીકરીને જન્મ આપ્યો છે. અભિનેત્રીને શનિવારે બપોરે મુંબઈના ગિરગામ વિસ્તારમાં આવેલી એચએન રિલાયન્સ હોસ્પિટલમાં દાખલ કરવામાં આવી હતી. તેની સાથે રણવીર સિંહ અને તેનો પરિવાર પણ હાજર હતો. અગાઉ 6 સપ્ટેમ્બરે દીપિકા બાપ્પાના દર્શન કરવા સિદ્ધિવિનાયક મંદિર પહોંચી હતી.

તમને જણાવી દઈએ કે દીપિકાએ આ વર્ષે 28 ફેબ્રુઆરીએ સોશિયલ મીડિયા પર પોતાની પ્રેગ્નન્સીની જાહેરાત કરી હતી. તેણે એક પોસ્ટ શેર કરીને લખ્યું કે તે સપ્ટેમ્બર 2024માં બાળકને જન્મ આપશે.

શુક્રવારે બપોરે દીપિકા પતિ રણવીર સિંહ સાથે સિદ્ધિવિનાયક મંદિર પહોંચી હતી. આ દરમિયાન દીપિકા ગ્રીન સાડીમાં જોવા મળી હતી જ્યારે રણવીર કુર્તા-પાયજામામાં જોવા મળ્યો હતો. આ ખાસ પ્રસંગે બંનેના પરિવારજનો પણ હાજર રહ્યા હતા. બંનેના ઘણા વીડિયો પણ સામે આવ્યા હતા, જેમાં રણવીર ગર્ભવતી દીપિકાને સપોર્ટ કરતો જોવા મળ્યો હતો.