વાંકાનેર ધારાસભ્ય જીતુભાઇ સોમાણી અને સાંસદ સભ્ય મોહનભાઇ કુંડારિયા વચ્ચેનો ગાજગ્રહ જગજાહેર છે, ત્યારે આજે ભાજપ દ્વારા રાજકોટ બેઠક પર વર્તમાન સાંસદ મોહનભાઇ કુંડારિયાના સ્થાને પરસોત્તમ રૂપાલાને ટિકિટ આપતા જ વાંકાનેર ધારાસભ્ય કાર્યાલયે ખુશીની લહેર દોડી ગઇ હતી. જેમાં ધારાસભ્ય જીતુભાઇ સોમાણી સહિત તેમના સમર્થકો દ્વારા માર્કેટ ચોક ખાતે ફટાકડા ફોડી તથા મીઠાઇ વહેંચી ઉજવણી કરવામાં આવી રહી છે.

ભાજપ દ્વારા આગામી લોકસભાની ચૂંટણી માટે ગુજરાતની કુલ ૧૫ બેઠકો પર ઉમેદવારોના નામની જાહેરાત કરવામાં આવી છે, જેમાં રાજકોટ બેઠક પર વર્તમાન સાંસદ મોહનભાઇ કુંડારિયાનું પત્તુ કાપી તેમની જગ્યાએ પૂર્વ કેન્દ્રીય મંત્રી પરષોત્તમભાઇ રૂપાલાને ટિકિટ મળતા વાંકાનેર ધારાસભ્ય કાર્યાલય ખાતે ઉજવણીનો માહોલ જોવા મળી રહ્યો છે, જેમાં ધારાસભ્ય જીતુભાઇ સોમાણી દ્વારા માર્કેટ ચોક ખાતે ફટાકડા ફોડી, મીઠાઇ વહેંચી ઉજવણી કરવામાં આવી રહી છે.

ઉજવણી બાદ ધારાસભ્ય જીતુભાઇ સોમાણીએ મોહન કુંડારિયા પર કટાક્ષ કરતા મીડિયા સમક્ષ જણાવ્યું હતું કે, રાજકોટ બેઠક પર સામાન્ય કાર્યકર્તાઓને ગાળો કે ધમકી ન આપતાં લોકપ્રિય નેતાને પક્ષે ટિકિટ આપી છે, જેનાથી રાજકોટ બેઠક પર અમો પાંચ લાખ કરતા વધારે મતોની લીડથી પરસોત્તમભાઇ રૂપાલાને જીતાડીશું, અગાઉ કેટલાય લોકો પક્ષ તથા સરકારને બદનામ કરતાં, હિટલરશાહી વાપરતા, કાર્યકર્તાઓને ગાળો-ધમકી આપતાં જેના સ્થાને પરસોત્તમ રૂપાલાને ટિકિટ મળતા તેઓ કાર્યકર્તાઓને ગાળો કે ધમકી નહીં આપી અને તેમને સાચવશે.