સાયબર ક્રાઇમ પોલીસ દ્વારા કરાતી સધન તપાસ

જામનગરમાં સોશ્યલ મિડીયામાં ઇન્સ્ટાગ્રામ તથા વોટસએપના માઘ્યમથી ફરીયાદી યુવતિને બદનામ કરવાના ઇરાદે ન્યુડ ફોટાઓ વાયરલ કરવાના પ્રકરણમાં આરોપીને સિકકા ખાતેથી પકડી જામનગર સાયબર ક્રાઇમ પોલીસે આગળની કાર્યવાહી કરી હતી.
જામનગર સાયબર ક્રાઇમ પોલીસ સ્ટેશનમાં ગુનો દાખલ કરાયો હતો, જે મુજબ આરોપીએ ફરીયાદી સાથેના રીલેશનશીપનો અંત આવ્યા બાદ અંગત પળોના ફોટા વોટસએપ કોલીંગના સ્ક્રીન શોટ લઇ તે ફોટા ફરીયાદીની મરજી વિરુઘ્ધ મિત્રવર્તુળ તથા સબંધીઓને મોકલી ઓનલાઇન મેસેજર પ્લેટફોર્મમાં પોતાની ઓળખ છુપાવવા ખોટી આઇડી બનાવી ફરીયાદીને બદનામ કરવા અને અશ્ર્લીલતા ફેલાવા ગુનો કરેલ હતો.
સીટી ડીવાયએસપી જે.એન. ઝાલાના માર્ગદર્શન હેઠળ સાયબર ક્રાઇમ પીઆઇ ઝાએ વિશેષ ટીમ બનાવી અને આ દિશામાં તપાસ કરી હતી અને ટેકનીકલ એનાલીસીસી કરી આરોપી વિશે માહિતી એકત્રીત કરી હતી, આરોપીના લોકેશન મેળવી સિકકા ખાતેથી આરોપી વેજાણંદ ઉર્ફે વિજય લાખા કારીયા રહે. સિકકા હાઉસીંગ બોર્ડ ગઢવી પાડોને પકડી પાડયો હતો.