ગોંડલમાં આવેલ સહજાનંદનગરમાં રહેતો 13 વર્ષનો તરુણ સ્ટેશન પ્લોટ વિસ્તારમાં આવેલ કોલેજ ચોક પાસે હતો ત્યારે બે સગીરે ઝઘડો કરી ગુપ્તાંગ ખેંચી ઢીકાપાટુનો માર માર્યો હોવાની સામી ફરિયાદ નોંધાઈ છે. તરુણને ઈજા પહોંચતા સારવાર માટે રાજકોટ સિવિલમાં ખસેડાયો છે. સહજાનંદનગરમાં રહેતો 13 વર્ષનો તરુણ સ્ટેશન પ્લોટ વિસ્તારમાં કોલેજ ચોક પાસે હતો ત્યારે સાંજના પાંચેક વાગ્યાના અરસામાં બે સગીરે ઝઘડો કરી માર માર્યો હતો.

તરુણને ઇજા પહોંચતા સારવાર માટે ગોંડલ હોસ્પિટલમાં ખસેડાયો હતો. જ્યાં તરુણની તબિયત નાજુક જણાતા વધુ સારવાર માટે રાજકોટ સિવિલમાં દાખલ કરાયો હતો. પોલીસ ચોકીના સ્ટાફે ગોંડલ બી ડિવિઝન પોલીસને જાણ કરતા સ્ટાફ તાત્કાલિક દોડી આવ્યો હતો. પ્રાથમિક તપાસમાં તરુણ ક્રિકેટ એકેડેમીમાં જાય છે અને માર મારનાર બંને સગીરે પૈસા માંગી માર માર્યો હોવાનું જાણવા મળ્યું છે.

આ ઘટનામાં પોલીસે તરુણનું નિવેદન લીધા બાદ તેના પિતાની ફરિયાદ લઈ એક સગીર, એક અન્ય મળી બે સામે ગુનો દાખલ કર્યો છે. પિતાએ જણાવ્યું કે, પુત્ર કોચિંગ ક્લાસમાં જતો હોય એક મહિનાથી સગીર તેને હેરાન કરી જાતિય સતામણી કરતો હતો. બે દિવસ પહેલા મારા પુત્રને માર માર્યો હતો.