પેરોલ ફર્લો સ્કવોડ ત્રાટકી : ધ્રોલ પ્રોહીબીશનના ગુનામાં એકની અટક

જામનગરના સીટી એ. ડિવિઝન પોલીસ મથકમાં એક વર્ષ પહેલાં ડુપ્લિકેટ તમાકુ અંગે કોપીરાઇટ ભંગનો કેસ નોંધાયો હતો, જે ગુનામાં છેલ્લા એક વર્ષથી નાસતા ફરતા આરોપીને વાંકાનેર માંથી ઝડપી લેવાયો છે, અને સીટી એ. ડિવિઝન પોલીસ મથકમાં સુપ્રત કરી દેવાયો છે. ધ્રોલ પોલીસ સ્ટેશનના ઇંગ્લિશ દારૂ અંગેના કેસમાં નાસ્તા ફરતા રાપર કચ્છના આરોપીને પેરોલ ફર્લો સ્કવોર્ડની ટીમે જામનગરમાંથી ઝડપી લીધો છે, અને ધ્રોલ પોલીસ મથકમાં સુપ્રત કરી દીધો છે.
જામનગરની પેરોલ ફર્લો સ્ક્વોર્ડના પીએસઆઇ એમ.વી. ભાટીયા તથા સ્ટાફના લખધીરસિંહ, કરણસિંહ, ગજેન્દ્રસિંહ, ધર્મેન્દ્રભાઇ તથા ધર્મેન્દ્રસિંહને ચોક્કસ બાતમી મળી હતી કે મોરબી જિલ્લાના વાંકાનેર તાલુકાના પંચાસર ગામના સબીર હુસૈન અબ્દુલભાઈ શેરસીયા નામના શખ્સ સામે આજથી એક વર્ષ પહેલાં જામનગરના સિટી એ. ડિવિઝન પોલીસ મથકમાં ડુપ્લીકેટ તમાકુ અંગે કોપી રાઈટ ભંગનો ગુનો નોંધવામાં આવ્યો હતો, અને તે ગુનામાં છેલ્લા એક વર્ષથી પોતે નાસ્તો ફરતો રહ્યો હતો.
 દરમિયાન જામનગરની પેરોલ ફર્લો સ્ક્વોર્ડની ટીમેં વાંકાનેર પંથકમાં દરોડો પાડી આરોપી સબીર શેરસિયાને ઝડપી લીધો છે, અને તેને જામનગર લઈ આવ્યા પછી સીટી એ. ડિવિઝન પોલીસ મથકમાં સૂપ્રત કરી દીધા છે.
જામનગરની પેરોલ ફર્લો સ્કવોર્ડની ટીમને ચોક્કસ બાતમી મળી હતી કે મૂળ કચ્છ જિલ્લાના રાપર તાલુકાના બાલાસરી ગામના ભગવાનજી ભાનુભાઈ ડાંગર નામના શખ્સ સામે ધ્રોલ પોલીસ મથકમાં પ્રોહીબીશન અંગેનો ગુનો નોંધવામાં આવ્યો હતો, અને તે ગુનામાં પોતે ફરારી હતો.
જે આરોપી જામનગર શહેરમાં આવ્યો છે, તેવી ચોક્કસ બાતમી જામનગરની પેરોલ ફર્લો સ્ક્વોર્ડની ટીમને મળી હતી, જે બાતમીના આધારે આરોપી ભગવાનભાઈ ડાંગરની અટકાયત કરી લેવામાં આવી છે, અને ધ્રોલ પોલીસ મથકમાં સુપ્રત કરી દેવાયો છે.