રાજકોટ માર્કેટ યાર્ડમાં શાકભાજીની પુષ્કળ આવક થતા ભાવ તળિયે પહોંચી ગયા છે, લગભગ અડધો અડધ શાકભાજીના ભાવ સિંગલ ડિજિટમાં આવી ગયા છે, એક મહિના પૂર્વે પ્રતિ કિલોના .૪૦ના ભાવે વેંચાતા ટમેટામાં મબલખ ઉત્પાદનને કારણે ભાવ દસ ગણા ઘટીને પ્રતિ કિલોના .૪ થઇ ગયા છે. અલબત્ત સૌથી સસ્તી તો હજુ પણ કોબીજ જ રહી છે અને એક પિયે કિલોના ભાવે વેંચાઇ રહી છે.
વિશેષમાં રાજકોટ માર્કેટ યાર્ડના શાકભાજી વિભાગના વેપારી અશોકભાઇ ડોબરીયાએ જણાવ્યું હતું કે ડેમોમાં પાણીની પુરતી ઉપલબ્ધીને કારણે શાકભાજીનું પુષ્કળ વાવેતર થયું છે અને સામે મબલખ ઉત્પાદન પણ આવ્યું છે જેના લીધે હાલ આવક વધતા શાકભાજીના ભાવ સતત ઘટી રહ્યા છે.
યારે રાજકોટ માર્કેટ યાર્ડના ઇન્સ્પેકટર કાનાભાઇ ચાવડાએ જણાવ્યું હતું કે ટમેટાનું વાવેતર અને ઉત્પાદન બન્ને વધતા આવક વધી છે, વળી ટમેટા લાંબો સમય સાચવી શકાય નહીં તેથી તેનો ઝડપી નિકાલ કરવાનો રહે આથી યાર્ડમાં આવકો વધી છે. ઉનાળામાં નાસિક, સંગમનેર અને બેંગ્લોરથી ટમેટાની આયાત કરવી પડે છે પરંતુ હાલ તો સ્થાનિક આવક જ એટલી મોટી માત્રામાં થઇ રહી છે કે ભાવ સતત ઘટી રહ્યા છે.
જો કે વાસ્તવિકતા એ છે કે યાર્ડમાં શાકભાજી ગમે તેટલું સસ્તું વેંચાય તો પણ શહેરની શાક માર્કેટમાં તેમજ સોસાયટીઓમાં શાકભાજી વેંચવા નીકળતા ફેરિયાઓ કયારેય ભાવ ઘટાડતા નથી અને ગ્રાહકોને તો બધું મોંઘા ભાવે જ મળે છે

શાકભાજીના ભાવ
શાકભાજી     પ્રતિ કિલોનો ભાવ
કોબિજ એક થી ૨
ટમેટા ચાર થી ૬
રીંગણા પાંચ થી ૧૦
વાલોર ચાર થી ૧૦
દૂધી આઠ થી ૧૦
ગાજર પાંચ થી ૧૦
બીટ પાંચથી ૧૦
મરચા ૨૦થી ૩૦
લાલ મરચા ૨૦થી ૪૦
ગુવાર ૪૦થી ૫૦
ભીંડો ૩૦થી ૪૦
વાલ ૨૫થી ૩૦
ચોળી ૪૦થી ૫૦
કાકડી ૨૦થી ૪૦
ઘીસોડા ૪૦થી ૫૦
વટાણા ૨૫થી ૨