જામનગરના હાપા માર્કેટ યાર્ડમાં જીરૂ, ધાણા, રાયડો વગેરેની પુષ્કળ પ્રમાણમાં આવક થઈ રહી છે. ગઈકાલે માર્કેટ યાર્ડમાં 1456 ખેડૂતો વિવિધ જણસીનો જથ્થો લઈને આવ્યા હતાં.

હાપા માર્કેટ યાર્ડમાં વિવિધ જણસીઓની આવક સારા પ્રમાણમાં થઈ રહી છે. ગઈકાલે રાયડાની 836 ગુણી એટલે કે 2090 મણની આવક થવા પામી હતી અને ભાવ રૂ. 950 થી 1043 નો પ્રતિ મણનો રહ્યો હતો.  જયારે જીરૂની 3551 ગુણી એટલે કે 10653 મણની આવક થઈ હતી જેના ભાવ રૂ. 3200 થી 4005 નો બોલાયો હતો. ધાણાની 4671 ગુણી એટલે કે 9342 મણની આવક થવા પામી હતી જેનો ભાવ રૂ. 900 થી 1725 નો રહ્યો હતો. આ ઉપરાંત અન્ય વિવિધ જણસીઓની આવક થવા પામી હતી, કુલ 1456 ખેડૂતો યાર્ડમાં આવ્યા હતાં.