લાલપુરના મોડપર ગામની બે સગી બહેનોના અપહરણ

  • November 09, 2023 01:58 PM 
Aajkaal Daily (Desh Pardesh Ni Aajkaal)

પોલીસમાં દોડધામ : મેઘપર પોલીસમાં ફરીયાદ દાખલ

લાલપુર તાલુકાના મોડપર ગામમાંથી બે સગી બહેનોના અપહરણ થઈ ગયાની ઘટના સામે આવતાં ભારે દોડધામ મચી છે. મેઘપર પોલીસ મથકમાં બંને બહેનોના અપહરણ અંગે ગુનો નોંધાયો છે.
લાલપુર તાલુકાના મોડપર ગામમાં રહેતા અને ખેતી કામના વ્યવસાય સાથે જોડાયેલા એક પરિવારની ૧૮ વર્ષની એક પુત્રી જ્યારે તેની સગીર વયની નાની બહેન કે જે બંને ગત ૬ તારીખના સાંજના સમયે પોતાના ઘેરથી અચાનક લાપતા બની ગઈ છે, અને બંનેના અપહરણ થઈ ગયા હોવાનું  ધ્યાનમાં આવ્યું છે.
પરિવારજનો દ્વારા અનેક સ્થળો પર શોધખોળ કર્યા પછી પણ બંનેનો કોઈ પત્તો સાંપડ્યો ન હોવાથી બંને બહેનોના ભાઈ દ્વારા મેઘપર પોલીસ મથકમાં અપહરણ અંગેની ફરિયાદ નોંધાવી છે. પોલીસે આ બનાવ અંગે અજાણ્યા શખ્સો સામે અપહરણનો ગુનો નોંધી શોધખોળ શરુ કરી છે.
બંને બહેનો પૈકીની મોટી બહેન કે જે પોતાની પાસે મોબાઇલ ધરાવતી હતી, પરંતુ તેણીનો મોબાઇલ પણ સ્વીચ ઓફ આવે છે. પોલીસે તે મોબાઇલ ફોનની કોલ ડીટેઇલ કઢાવી તે દિશામાં તપાસના ચક્રો ગતિમાન કર્યા છે. આ બનાવને લઈને મોડપર ગામમાં ભારે ચકચાર જાગી છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application