પોલીસ સૂત્રોમાંથી મળતી વિગતો મુજબ રાજકોટ એસીબીના ડેપ્યુટી ડાયરેક્ટર બલદેવસિંહ વાઘેલા સમક્ષ એક ફરિયાદ થઈ હતી જેમાં ગોંડલ નગરપાલિકાના ફાયર સ્ટેશન ઓફિસર સંજય, વિરમભાઈ વાસાણી ઉ.વ.૨૯, રહે. રોયલ પાર્ક-૧, ગોંડલ વાળા એક અરજદાર ને પેટ્રોલ પંપની ફાયર એનઓસીની ફાઈલ મંજૂર કરવા માટે ફાયર ઓફિસર પાસે ગયા હતા આ ફાઇલ મંજૂર કરવા માટે રૂપિયા 50,000 ની લાંચ માંગી હતી.

જેના પગલે રાજકોટ એસીબીના જેડી મેવાડા પીઆઇ આર આર સોલંકી સહિતની ટીમે ગોંડલના ભરૂડી ટોલનાકા નજીક આવેલ એક હોટલ માં વોચ ગોઠવી હતી અને અરજદાર પાસેથી હોટલના રૂમમાં લાંચના રૂપિયા 50,000 સ્વીકારતા ફાયર ઓફિસર સંજયભાઈ વાસાણીને રંગેહાથ ઝડપી લીધા હતા.

ઝડપાયેલા આરોપી નગરપાલિકાના ફાયર અધિકારી સંજય વાસાણી ની ધરપકડ આ અંગેની વધુ તપાસ દેવભૂમિ દ્વારકા એસીબીના પીઆઈને સોંપવામાં આવતા આરોપી ના ઘરમાં સર્ચ ઓપરેશન હાથ ધરવામાં આવ્યું હતું.