જામનગર શહેરના ઘાંચીની ખડકી વિસ્તારમાં એક યુવાન પર હીચકારો હુમલો કરાયો છે. જેમાં જામનગર આરબ જમાતના યુવા અગ્રણી મોહસીન આવડભાઇ અબદાન પર જૂની અદાવતનો ખાર રાખીને ૩ થી ૪ જેટલા શખ્સો દ્વારા તિક્ષણ હથીયાર વડે જીવણલ હુમલો કરાયો હતો.

ત્યારબાદ તેને લોહીલુહાણ હાલતમાં તાત્કાલિક સારવાર અર્થે જી.જી.હોસ્પિટલ ખાતે ખસેડવામાં આવ્યા હતા. આ બનાવની જાણ થતાં આરબ જમાતના યુવાનો અને વડીલો મોટી સંખ્યામાં જી.જી.હોસ્પિટલ ખાતે દોડી ગયા હતા.

આ ઘટનાની જાણ કરાતાં સિટી-એ ડિવિઝનની પોલીસ ટિમ જી.જી.હોસ્પિટલ ખાતે દોડી ગઈ હતી, અને ફરિયાદ નોંધવાની તજવીજ હાથ ધરવામાં આવી છે.