રાજકોટના લોઠડા અને ખોખડદળ વચ્ચે ડબલ સવારી બાઈકને બોલેરોએ ઠોકરે લેતા બંને બાઈક સવાર યુવકો ફંગોળાતા ગંભીર ઇજા થવાથી સારવાર માટે સિવિલમાં ખસેડવામાં આવ્યા હતા જેમાં એક યુવાનનું મોત થયું હતું જયારે અન્ય એકને સારવાર આપવામાં આવી છે. બનાવના પગલે આજીડેમ પોલીસ દોડી ગઈ હતી.
​​​​​​​
પ્રાપ્ત વિગત મુજબ રાજકોટના લોઠડા ગામે રૂમ ભાડે રાખીને રહેતા અને વેલ્ડીંગનું કામ કરતા ઉજ્જવલ કુમાર પૂર્વનશ્રીરામ (ઉ.વ.૨૫) અને બાલા રુકૂભાઈ ચૌધરી (ઉ.વ.૩૨) બંને યુવક બપોરે બાઈક લઈને લોઠડાથી ખોખડદળ જતા હતા ત્યારે પુરપાટ ઝડપે આવતા બોલેરો ચાલકે બાઇકને ઉલાળતા બને યુવક બાઈક સમેત રોડ પર પટકાતા માથા અને શરીરના ભાગે ઇજા થવાથી ૧૦૮ મારફતે સારવાર માટે રાજકોટ સિવિલમાં ખસેડવામાં આવ્યા હતા જ્યાં ઉજ્જવલએ દમ તોડી દીધો હતો. બનાવ અંગે હોસ્પિટલ ચોકીના સ્ટાફે આજીડેમ પોલીસને જાણ કરતા પોલીસ સ્ટાફે હોસ્પિટલ પહોંચી જરૂરી કાર્યવાહી કરી હતી.
મૃતક ઉજ્જવલ મૂળ બિહારનો વતની હતો અને બે ભાઈ એક બહેનમાં મોટો હતો જયારે સારવારમાં રહેલો બાલા યુપીનો વતની છે, બને વેલ્ડીંગનું કામ કરતા કરતા હતા. ગઈકાલે વેલ્ડિંગ કામ માટે સાથે જઈ રહ્યા હતા ત્યારે આ બનાવ બન્યો હતો. બનાવ અંગે આજીડેમ પોલીસે અકસ્માત સર્જી્ નાસી છૂટેલા બોલેરો ચાલકની શોધખોળ હાથ ધરી છે.