જામનગર જિલ્લાના જામજોધપુર તાલુકા ના વનાણાં ગામમાં રહીને ખેતી કામ કરતી સંગીતાબેન દિનેશભાઈ બધેલ નામની ૨૫ વર્ષની ભીલ જ્ઞાતિની શ્રમિક યુવતી રમેશભાઈ નામના ખેડૂતની વાડીમાં પાકમાં જંતુનાશક દવાનો છંટકાવ કરી રહી હતી, જે દરમિયાન તેણીને ઝેરી અસર થઈ હતી.

જેને સૌપ્રથમ ૧૦૮ નંબરની એમ્બ્યુલન્સ મારફતે સારવાર માટે જામજોધપુરની સરકારી  હોસ્પિટલમાં અને ત્યારબાદ વધુ સારવાર માટે જામનગરની જી.જી. હોસ્પિટલમાં ખસેડવામાં આવી હતી, જયાં સારવાર દરમિયાન તેણીનું મૃત્યુ નિપજ્યું છે.

આ બનાવ અંગે મૃતકના પતિ દિનેશભાઈ માંગીલાલે પોલીસને જાણ કરતાં શેઠ વડાળા પોલીસે જી.જી. હોસ્પિટલમાં દોડી જઈ મૃતદેહ નો કબજો સંભાળ્યો છે, અને સમગ્ર બનાવ અંગે વધુ તપાસ હાથ ધરી છે.