બનાવ અંગે જેતપુરના ધોરાજી રોડ પર કેનાલ કાંઠે રહેતા અભય દેવદાન સામતાણી (ઉ.વ.૨૦) એ નોંધાવેલી ફરિયાદમાં આરોપી તરીકે દોલા કલ્યાણ વિરાણી અને ભરત માલજી વિરાણી (રહે બંને જેતપુર) ના નામ આપ્યા છે.

યુવાને ફરિયાદમાં જણાવ્યું છે કે, તેના પિતાના મોટાભાઈ હરસુરભાઈનું દસેક વર્ષ પહેલા અવસાન થયેલ છે તેમના પિતરાઈ હમીરભાઇનું પણ આઠેક વર્ષ પહેલા અવસાન થયેલ છે. તેણે હમીરભાઇની પુત્રીએ સરમણ સાથે બે મહિના પહેલા પ્રેમ લગ્ન કરેલ છે. તેઓને તેમના પિતરાઈ ભાઈ કાનજીભાઈ ને રૂ.૧ લાખ આપવાના હોય જેથી તે બાબતે સમાધાન થયેલ નહોતું અને અગાઉ બોલાચાલી થયેલ હતી.

ગઈકાલે 11 વાગ્યાની આસપાસ ફરિયાદી જેતપુર એમજી રોડ પર આવેલ પોસ્ટ ઓફિસ પાસે દુકાને ધારીયું ધાર કઢાવવા આપી ગયેલ હતો તે લેવા માટે ગયેલ હતો ધારીયું લઈને તે દુકાન બહાર નીકળતો હતો તેવામાં જ દોલા વીરાણી અને ભરત વિરાણી ઘસી આવેલ તેમજ તેમની પિતરાઈ બહેનના પ્રેમ લગ્નનો ખાર રાખી હુમલો કરી દીધો હતો. યુવાનને માથાના વાગે ગંભીરતા તુરંત સારવાર અર્થે સિવિલ હોસ્પિટલમાં ખસેડવામાં આવ્યો હતો.