મસ્તી ક્યારેક કષ્ટી આપતા દોડધામ થઈ પડે છે, આવો જ કિસ્સો લોધીકામાં સામે આવ્યો છે, કારખાનામાં બે મિત્રો મસ્તી કરતા હતા ત્યારે હવા ભરવાના પંપની નળીથી ગુદા માર્ગમાં હવા ભરી દેતા યુવકની તબિયત લથડતા રાજકોટ સિવિલ હોસ્પિટલમાં ખસેડવામાં આવ્યો છે.

લોધીકાના સ્ટીલ ટેક્સ નામના કારખાનામાં બની ઘટના

પ્રાપ્ત વિગત મુજબ કાલાવડ તાલુકાના ગુંદા ગામે રહેતા અને લોધિકાના સ્ટીલ ટેક્સ નામના કારખાનામાં કામ કરતા દિવ્યરાજસિંહ ભરતસિંહ જાડેજા (ઉ.વ.40)ના યુવક ગઈકાલે બપોરે કારખાનામાં હતા ત્યારે સાથે કામ કરતા મીત્ર હવા ભરવાના પંપની નળીથી મશ્કરી કરતા હતા દરમિયાન પહેલા મોઢા ઉપર નળીથી હવાનો મારો ચલાવ્યા બાદ નળી ગુદામાર્ગ પાસે રાખી પ્રેશરથી હવા છોડતા યુવકના ગુદામાર્ગમાં હવા ભરાઈ જવાથી પેટમાં દુખાવો થવાની સાથે તબિયત લથડી હતી. તાકીદે યુવકને રાજકોટ સિવિલ હોસ્પિટલમાં ખસેડવામાં આવ્યો હતો. બનાવ અંગે હોસ્પિટલ ચોકીના સ્ટાફે લોધીકા પોલીસને જાણ કરી હતી.