પોરબંદર નજીકના દેગામ ગામે વાડી વિસ્તારમાં રહેતા યુવાનનું ભોદ ગામના પાટીયા પાસે વિચિત્ર સંજોગોમાં મોત થતા ભારે અરેરાટી ફેલાઇ છે.
દેગામ ગામે વાડી વિસ્તારમાં રહેતા દિનેશ સુંડાવદરા દ્વારા એવું જાહેર કરવામાં આવ્યું છે કે,દેગામ વાડી વિસ્તારમાં રહેતા હરદાસભાઇ હાજાભાઇ સુંડાવદરા (ઉ.વ.૪૨) તેમના કુટુંબી ભાઈ ભોદ નજીક આશાબા પીરના પાટીયા પાસે રહેતા ખીમાભાઈ વિરમભાઈ સુંડાવદરાની વાડીએ ગયા હતા અને ત્યાં તેમને ગભરામણ તથા ઉલટી થતી હોવાથી ખીમાભાઈ તેમને બાઈકમાં પાછળ બેસાડીને હરદાસભાઈને રાણાવાવના સરકારી દવાખાને લઇ જતા હતા ત્યારે રસ્તામાં ચક્કર આવતા હરદાસભાઈ નીચે પડી ગયા હતા અને પડી જવાને કારણે મુઢ ઈજા થવાથી અથવા હાર્ટએટેકને કારણે તેમનું મોત થયાનું પોલીસમાં જાહેર થયું છે.