ભાલ પંથકમાં આવેલા દેવળીયા પાસે બાઈક સ્લીપ થતા યુવાનનું મોત થયું હતું. બનાવ અંગે સર ટી હોસ્પિટલ પોલીસ ચોકી ખાતેથી મળતી માહિતી અનુસાર ભાલ પંથકમાં આવેલા પાળીયાદ ગામે રહેતો સચિન ઘનશ્યામભાઈ ખોખાણી (ઉ.વ.૧૯) બાઈક પર જઈ રહ્યો હતો. ત્યારે દેવળીયા પાસે અચાનક બાઈક સ્લીપ થઇ જતા યુવાનને ગંભીર ઇજા પહોંચતા સરવાર અર્થે સર ટી હોસ્પિટલ ખસેડાયો હતો. જ્યાં ફરજ પરના ડોકટરએ મૃત જાહેર કરાયો હતો. પ્રાથમિક દ્રષ્ટિએ યુવાનને નીલગાય આડી આવતા બાઈક સ્લીપ થયું હોવાનું જાણવા મળ્યું હતું. પોલીસે મૃતદેહને પીએમ અર્થે ખસેડી વધુ કાર્યવાહી હાથ ધરી હતી.