બનાવની જાણવા મળતી વિગતો મુજબ, ગોંડલના ભરૂડી ગામે રહેતા સંદીપ નટવરભાઈ સરવૈયા (ઉ.વ 23) નામના યુવાને જણાવ્યું હતું કે, તે અહીં માતા-પિતા અને બાઈ ભાભી સાથે રહી અભ્યાસ કરે છે. તેમના મોટાભાઈ સાગરભાઇને સંતાનમાં ચાર વર્ષની દીકરી શ્રેયા છે.

ગઈકાલે સવારના 9:00 વાગ્યા આસપાસ તે તથા તેના માતા જયોત્સનાબેન અને ભત્રીજી શ્રેયા ગોંડલ માતાની દવાખાને બતાવવા અને ખરીદી કરવા માટે જવું હોય અહીં ગયા હતા અને ક્લિનિકમાં બતાવ્યા બાદ 11:30 વાગ્યા આસપાસ ત્રણે માંડવી ચોક નાનીબજાર ખાતે ખરીદી કરી શાકમાર્કેટમાં શાકભાજી ખરીદતા હતા. ત્યારે શાકભાજીના થડાવાળાએ કહ્યું હતું કે, તમારા છોકરાનું કોઈ કંઈ લઈ ગયું છે તેને ગળા ઉપર હાથ મૂક્યો હતો. બાદમાં ગળામાં જોતા તેણે પહેરેલું ઓમનું સોનાનું પેન્ડલ જોવા મળ્યું ન હતું એક શખસ આ પેન્ડલ આંચકી નદી તરફ નાસી ગયો હોય તે બાજુ તપાસ કરી હતી પરંતુ આ શખસ મળી આવ્યો ન હતો. આમ ભીડનો લાભ લઇ કોઈ અજાણ્યા શખસે બાળકીના ગળામાંથી રૂપિયા 6,550 ની કિંમતનું સોનાનું પેન્ડલ આંચકી લીધું હોવા અંગે ફરિયાદ નોંધાવવામાં આવી છે.