ગાંધીગ્રામ પોલીસે માધાપર ચોક પાસેથી એક શખસને ચોરાઉ વાહન સાથે ઝડપી લીધો હતો. જેની પૂછપરછ કરતા તેણે અન્ય વાહન પણ કર્યાની કબુલાત આપતા પોલીસે કુલ ચાર વાહનો કબજે કર્યા હતા. આ શખસ નશો કરવાની કુટેવ ધરાવતો હોય અને પોતાની સાથે એકથી વધુ ચાવી રાખતો હતો જે વાહનમાં ચાવી લાગે તે વાહન લઇ ચાલ્યો જતો હતો. તે વાહનની ચોરી પૈસા માટે ન કરતો પરંતુ તેને કયાંય ચાલીને જવું ન પડે તે માટે વાહન ચોરી કરતો હતો.
જાણવા મળતી વિગતો મુજબ, ગાંધીગ્રામ પોલીસ મથકના પીઆઇ કે.જે.કરપડાની રાહબરી હેઠળ પી.એસ.આઇ.એસ.એલ. ગોહિલ તથા તેમની ટીમ પેટ્રોલિંગમાં હતી દરમિયાન હેડ કોન્સ્ટેબલ મસરીભાઈ ભેટારીયા, કોન્સ્ટેબલ પ્રદીપભાઈ ડાંગરને મળેલી બાતમીના આધારે માધાપર ચોક ઓવરબ્રિજ નીચે જામનગર તરફ જવાના રસ્તા પાસેથી એક શખસને શંકાસ્પદ બાઇક સાથે ઝડપી લીધો હતો. પોલીસે આ શખસની પૂછતાછ કરતા તેનું નામ વિક્રમસિંહ ભવનસિંહ રાણા(ઉ.વ ૪૮ રહે. માધાપર ગામ,દ્રારકાધીશ પેટ્રોલ પપં પાછળ ઈશ્વરીયા પાર્ક સોસાયટી શેરી નંબર–૧) હોવાનું જણાવ્યું હતું. પોલીસે વાહનના કાગળો માંગતા આ શખસ ગલ્લા–તલ્લા કરવા લાગ્યો હતો. બાદમાં તેણે આ વાહન ગત તારીખ ૧૭૧૦૨૦૨૪ ના રાત્રિના સમયે જામનગર રોડ પર ગાયત્રીધામ સોસાયટી શેરી નંબર–૩ પાસેથી ચોરી કર્યાની કબુલાત આપી હતી. જેથી પોલીસે આ વાહન કબજે કયુ હતું. ચોરી કરેલા વાહન સાથે ઝડપાયેલા વિક્રમસિંહની વધુ પૂછતાછ કરતા તેણે અન્ય ત્રણ વાહનો પણ ચોરી કર્યાની કબુલાત આપી હતી. જેથી પોલીસે તે વાહનો પણ કબજે કર્યા હતા. આમ પોલીસે કુલ પિયા ૭૮,૦૦૦ ની કિંમતના ચાર બાઇક કબજે કર્યા હતા.
પોલીસે જણાવ્યું હતું કે, આરોપી દા પીવાની કુટેવ ધરાવે છે તે પોતાની સાથે બાઈકની ત્રણથી ચાર ચાવી પણ રાખતો હોય જે બાઈકમાં ચાવી લાગી જાય તે બાઈક લઇ પોતે નીકળી જતો હતો અને બાદમાં પોતાને ભાન ન રહેતી અને બાઇક રેઢુ મૂકી ત્યાંથી ચાલ્યો જતો હતો. આરોપીએ વાહન ચોર્યા બાદ એક પણ વાહન વેચ્યું નથી તે બાઇક ચોરી પૈસા માટે નહીં પરંતુ પોતાને ચાલીને જવું ન પડે તે માટે કરતો હોવાનું માલુમ પડું છે.