રાજકોટ લોકસભાના ઉમેદવાર પરસોતમભાઈ રૂપાલાએ કરેલી વિવાદીત ટિપ્પણીનો ક્ષત્રિય સમાજમાં ખાસ કરીને બહેનોમાં રોષ મતદાન કેન્દ્રો પર દેખાયો હતો. રાજકોટ સહિત રાયભરમાં આજે સવારથી જ ક્ષત્રિય મહિલા–પુરુષો મતદાન કરવા ઉમટી પડયા હતા. ઘણી જગ્યાએ સામૂહિક રીતે પરંપરાગત પહેરવેશનમાં ક્ષત્રિય મતદાર મહિલાઓ–પુરુષો દેખાયા હતા.

રૂપાલાના વિવાદીત શબ્દોચ્ચારને લઈને તેની ટિકિટ પાછી ન ખેંચાતા છેલ્લા ૪૦ દિવસથી વધુ સમયથી ચાલતા ક્ષત્રિય સમાજનો વિરોધ, આંદોલનનો રોષ આજે મતપેટીઓમાં દેખાયો હતો. સામાન્ય રીતે ઘર બહાર નીકળવાનું ટાળતી કે કામ સબબ બહાર નીકળતી ક્ષત્રિય મહિલાઓ નારી અસ્મિતા આંદોલન સમયથી જ લડાયક મિજાજમાં કયાંક કયાંક તો રોડ પર આવીને કે લેડી પોલીસ સાથે ઘર્ષણમાં ઉતરીને પણ રૂપાલા સામે વિરોધ વ્યકત કર્યેા હતો. શહેરોમાં સભાઓ બધં કરાવી હતી. શહેરથી લઈ ગામડાઓમાં રૂપાલા બાદમાં ભાજપ પ્રવેશબંધીના બેનર પણ લાગી ગયા હતા. ઘણી જગ્યાએ તો ભાજપના આગેવાનોને પ્રચાર માટે પગ પણ મુકવા દીધો નહોતો.
સંકલન સમિતિ દ્રારા મહાસંમેલનથી લઈ નાનામોટા સંમેલનો, સભાઓમાં લોકશાહીમાં મત એ શ માફક ક્ષત્રિય સમાજે બહોળી સંખ્યામાં મતદાન કરી વિરોધ પ્રદર્શિત કરવા અપીલ કરાતી હતી. જે અનુસાર આજે એ અસર મતદાન મથકોમાં દેખાઈ હતી. સવારથી જ મહિલાઓ પરંપરાગત પોશાકમાં મતદાન મથકો પર હરોળબધ્ધ મોટી સંખ્યામાં ઉમટી પડી હતી. સાથે પુરુષો, યુવાનોથી લઈ વયોવૃધ્ધો પણ મતદાન કરવા માટે લાઈનો લગાવી હતી.

ક્ષત્રિય સમાજના વસવાટ વિસ્તારો અને ક્ષત્રિય સમાજના રહેણાંકવાળા ગામડાઓમાં ધીંગુ મતદાન થયુંહ તું. સંકલન સમિતિ દ્રારા ૯૦ ટકાથી વધુ મતદાન કરવા હાંકલ કરાઈ હતી. જે આધારે સંભવત પણે સાંજ સુધીમાં ક્ષત્રિય સમાજનું ૭૦ ટકાથી વધુ મતદાન થઈ જાય તેવો આજ સવારથી જ ક્ષત્રિય મહિલા, પુરુષરોની, પરિવારોની મતદાન કેન્દ્રો પર લાગત કતારો પરથી ધીંગુ મતદાન થયું હોવાનો ચિતાર દેખાય છે