પોરબંદરમાં માહી ગ્રુપ દ્વારા તા.૨૬/૧૧ ના આંતકી હુમલામાં શહીદ થયેલા જવાનોને શ્રધ્ધાંજલિ અર્પણ કરવામાં આવી હતી.
પોરબંદરની સતત સેવાકાર્ય કરતી સંસ્થા માહી ગ્રુપ દ્વારા અવારનવાર અબોલ જીવોના લાભાર્થે અવિરત વિવિધ સેવાકાર્યોના આયોજનો થતા હોય છે, ત્યારે ૧૬ વર્ષ પહેલા મુંબઈ ખાતે થયેલા આતંકી હુમલામાં દેશ માટે પોતાના જીવનુ બલીદાન આપનારા વીર શહીદો તેમજ મૃત્યુ પામેલા નિર્દોષ લોકોને  ગ્રુપના સેવાભાવી સભ્યો દ્વારા યાદ કરી અને શ્રદ્ધાંજલિ અર્પણ  કરવામાં આવી હતી. 
આ પ્રસંગે શહીદોના સ્મરણાર્થે તેમનાં બલીદાનને સન્માન આપી અને  ગ્રુપ દ્વારા એકતા અને દેશભક્તિનો સંકલ્પ લીધો હતો અને પશુ-પક્ષીઓથી લઇ અને માનવીઓ માટે એક સેવાયજ્ઞ યોજી શહીદોના સ્મરણાર્થે ઇન્દ્રેશ્ર્વર મહાદેવ મંદિર ગાયમાતાને  ઘાસચારાનું વિતરણ, કબુતરોને ચણ, શ્ર્વાનને બિસ્કિટ અને દુધ, કીડીને કીડીયા‚, માછલીઓને ભોજન સહિતના વિવિધ સેવાકાર્યો કરી તેમજ ભુતનાથ મહાદેવ મંદિર જ‚રીયાતમંદ લોકો, સાધુ-સંતો, દિવ્યાંગો તેમજ સફાઈ કર્મચારીઓને નાસ્તાનું વિતરણ કરી વિવિધ સેવાકાર્યો દ્વારા શહીદોને શ્રદ્ધાસુમન અર્પણ કર્યા હતા અને અન્ય લોકોને પણ પ્રેરિત કર્યા હતા.આ સેવાકાર્યોનું આયોજન ગ્રુપના સેવાભાવી સભ્ય જયવીરસિંહ જાડેજા હસ્તે ગજુભા બાપુભા જાડેજા પરિવારના સહયોગથી કરવામાં આવેલ હતુ, જેમાં  ગ્રુપના સભ્યો મોટી સંખ્યામાં ઉપસ્થિત રહ્યા હતા અને સેવાકાર્યોનો લાભ લીધો હતો.