ભાવનગર જિલ્લા જેલમાં કાચા કામના કેદી તરીકે રહેલા યુવાને કોઈ કારણોસર વધુ માત્રામાં દવાના ટીકડા ખાઈ લેતા જેલ સત્તાવાળામાં ભારે દોડધામ મચી હતી. અને કેદીને બેશુદ્ધ હાલતે સારવાર માટે સર્ટી હોસ્પિટલમાં ખસેડવામાં આવ્યો હતો. જ્યાં તેની સ્થિતિ સ્થિર હોવાનું જાણવા મળ્યું હતું.
બનાવની પ્રાપ્ત પ્રાથમિક વિગતો મુજબ ભાવનગર જિલ્લા જેલમાં કાચા કામના કેદી તરીકે રહેલા મહેશ ધીરુભાઈ ચારોલીયા (ઉ. વ. આ. ૨૭)એ કોઈ કારણોસર વધુ માત્રામાં દવાના ટીકડા ખાઈ લેતા તેને  બેશુદ્ધ હાલતે સારવાર અર્થે સર્ટી હોસ્પિટલના ઇમર્જન્સી વોર્ડમાં ખસેડવામાં આવ્યો હતો. જ્યાં આગળ તેની સ્થિતિ સ્થિર હોવાનું જાણવા મળ્યું હતું. જેલમાંજ કાચા કામના કેદીએ દવાના ટીકડા ખાઈ લેતા જેલ સત્તાવાળાઓમાં ભારે દોડધામ મચી હતી. લોખંડી બંદોબસ્ત રખતો હોવા છતાં જેલની અંદર જ કાચા કામના કેદીએ દવાના ટીકડા ખાઈ લેતા જેલમાં દવા ક્યારે અને કેવી રીતે પહોંચી તે પોલીસ માટે તપાસનો વિષય બન્યો છે. હાલ નીલમબાગ પોલીસે આ ઘટના અંગે જાણવા જોગ નોંધ કરી આગળની તપાસ હાથ ધરી છે.