સાવરકુંડલામાં રહેણાંક મકાનમાં એલસીબીએ દરોડો પાડી ઈંગ્લીશ દારૂ-બીયરનો જથ્થો રૂ.૩૩,૭૩૦નો ઝડપી લીધો હતો, રેઇડ દરમિયાન શખ્સ હાજર ન મળી આવતા શોધખોળ હાથ ધરી છે.

પોલીસ સૂત્રોમાં નોંધાયેલી વિગત મુજબ અમરેલી એલસીબીના પીઆઈ વી.એમ. કોલાદરાના માર્ગદર્શન હેઠળ એલસીબીના એએસઆઇ યુવરાજસિંહ રાઠોડ, ઘનશ્યામભાઇ મકવાણા તથા હેડ કોન્સ. દશરથસિંહ સરવૈયા સહિતના સાવરકુંડલા વિસ્તારમાં પેટ્રોલીંગમાં હતા ત્યારે ચોક્કસ બાતમી મળી હતી કે, સાવરકુંડલાના કાપેલધારમાં રહેતો શીલ્પેશ બાબુભાઇ વાળા પોતાના રહેણાંક મકાનમાં દારૂ-બિયર મગાવી વેચાણ કરી રહ્યો છે. જે બાતમીના આધારે એલસીબીની ટીમે દરોડો પાડતા ઘરમાં છુપાવેલો જુદી જુદી બ્રાન્ડનો ઈંગ્લીશ દારૂ અને બિયર મળી કુલ 217 નંગ કી.રૂ.૩૩,૭૩૦નો મળી આવતા કબ્જે કરી શિલ્પેશ હાજર મળી ન આવતા તેને ફરાર જાહેર કરી ગુનો નોંધી શોધખોળ હાથ ધરી છે.