શરાબની ૨૦ બોટલ અને બાઇક કબ્જે

ભાણવડથી આશરે ૧૩ કિલોમીટર દૂર મોડપર ગામના બસ સ્ટેશન પાસેથી ગઈકાલે વહેલી સવારે આશરે ૪:૧૫ વાગ્યે પસાર થતી જી.જે. ૩૭ એચ ૮૨૮૫ નંબરની સ્પ્લેન્ડર મોટર સાયકલને પોલીસે અટકાવતા બાઈક પર સવાર શખ્સ મોટરસાયકલ મૂકીને અંધારામાં ઓગળી ગયો હતો.
પોલીસે આ મોટરસાયકલનું ચેકિંગ કરતા તેમાંથી વિદેશી દારૂની ૨૦ બોટલ મળી આવી હતી. આથી પોલીસે રૂપિયા ૬૦ હજારની કિંમતના મોટરસાયકલ તથા રૂપિયા ૮,૦૦૦ ની કિંમતના વિદેશી દારૂ મળી, કુલ રૂપિયા ૬૮ હજારનો મુદ્દામાલ કબજે કરી, અજાણ્યા વાહન ચાલક સામે પ્રોહી. એક્ટ મુજબ ગુનો નોંધી, તેની શોધખોળ હાથ ધરી છે.