આરોપી ફરાર : શરાબની ૬૩ બોટલ જપ્ત

દ્વારકા પંથકના ગઢેચી વાડી વિસ્તારમાં પોલીસે દરોડો પાડી ઇંગ્લીશ દારુની ૬૩ બોટલ કબ્જે કરાઇ હતી જયારે આરોપી ફરાર થઇ ગયો હતો.
મીઠાપુર તાબેના ગઢેચી ગામના વાડી વિસ્તારમાં ઈન્ચાર્જ પી.આઈ. એમ.ડી. મકવાણાના માર્ગદર્શન હેઠળ સ્ટાફ દ્વારા હાથ ધરવામાં આવેલા પેટ્રોલિંગ દરમિયાન આ વિસ્તારમાં રહેતા ઓઘડભા બુધાભા સુમણીયા નામના શખ્સના રહેણાંક મકાનમાં દરોડો પાડી, આ સ્થળેથી રૂપિયા ૨૫,૨૦૦ ની કિંમત ની ૬૩ બોટલ પરપ્રાંતીય શરાબનો જથ્થો કબજે કરવામાં આવ્યો હતો. જો કે આ સ્થળેથી આરોપી ઓઘડભા બુધાભા પોલીસને હાથ ન લાગતા પોલીસે તેને હાલ ફરાર ગણી, પ્રોહી. એક્ટ હેઠળ આગળની કાર્યવાહી હાથ ધરી છે.