જામનગર તાલુકાના ખારાવેઢા ગામમાં રહેતા એક માલધારી આધેડને બાઇક સ્લીપ થઈ જતાં માથાના ભાગે હેમરેજ સહિતની ઇજા થવાથી મૃત્યુ નિપજ્યું છે.

આ બનાવની વિગત એવી છે કે જામનગર તાલુકા ના ખારાવેઢા ગામમાં રહેતા અને માલધારી તરીકે નો વ્યવસાય કરતા સામતભાઈ વીરાભાઇ લામકા (ઉ.વ.૫૦) કે જે ઓ ગઈકાલે પોતાનું બાઈક લઈને ખારાવેઢા ગામ તરફ પરત આવી રહ્યા હતા, જે દરમિયાન રસ્તામાં ગોળાઈમાં બાઇક સ્લીપ થઈ જતાં માથાના ભાગે હેમરેજ સહિતની ગંભીર ઇજા થઈ હતી, અને તેનું મૃત્યુ નીપજયું છે.

આ બનાવ અંગે મૃતકના પુત્ર લાલાભાઇ સામતભાઈ લામકાએ પોલીસને જાણ કરતાં કાલાવડ ગ્રામ્ય પોલીસે મૃતદેહનો કબજો સંભાળી વધુ તપાસ હાથ ધરી છે.