મેં જે મૈત્રી કરાર કર્યા હતા હવે મારે સબંધ નથી રાખવા મેં જેટલો ખર્ચ કર્યો એટલો પરત કરી દે, જો ખર્ચ નહીં આપ તો હું તને બદનામ કરી અને કેશ કર્યો તો જાનથી મારી નાખીશ અને તારા પરિવારને ઉપાડી લઈશ, તને કોલેજમાં નાપાસ કરાવીશ તેવી ધમકી આપતા યુવતીએ ફિનાઈલ પી લેતા સિવિલ હોસ્પિટલમાં ખસેડવામાં આવી હતી. બનાવ અંગે યુવતિએ પ્રેમી અને તેના સબંધી સામે ફરિયાદ નોંધાવતા ગાંધીગ્રામ પોલીસે ગુનો નોંધ્યો છે.

પ્રાપ્ત વિગત મુજબ બજરંગવાડી શેરી નં-6માં રહેતી અને આનંદ નર્સિંગ કોલેજમાં ત્રીજા વર્ષમાં અભ્યાસ કરતી તંજીમ રસીદખાન જતોઈ (ઉ.વ.21)ની યુવતીએ ગાંધીગ્રામ પોલીસ મથકમાં નોંધાવેલી ફરિયાદમાં વ્યાજવટાવનો ધંધો કરતા અને દૂધસાગર રોડ પર હૈદરી ચોકમાં રહેતો જાવિદ હબીબભાઇ હાલા અને તેના સબંધીઅફઝલ ઉર્ફે કાલી દાઉદાણીનું નામ આપ્યું છે. ફરિયાદમાં જણાવ્યું છે કે, સાડા ત્રણેક વર્ષ પહેલા જાવિદ સાથે ઇન્સ્ટાગ્રામથી સંપર્ક થયો હતો વાતો કરતા મિત્રતા રિલેશનશીપમાં ફેરવાઈ હતી. 

જાવિદ અને તમારી દીકરીની મેટર ઘરમેળે પુરી કરી નાખીએ 

અને ત્યારબાદ જાવિદ નાની નાની વાતોમાં હેરાન કરતો હોવાથી 2023માં તેના સામે ફરિયાદ પણ કરી હતી. 9 જાન્યુઆરી-2025ના આ કેસ બાબતે અમારે ઘરમેળે સમાધાન થઇ જતા ફરી અમે બંનેએ વાતો કરવાનું શરૂ કર્યું હતું અને બંનેએ મૈત્રી કરાર કર્યા હતા. એ પછી ફરી જાવીદ મને હેરાન કરવા લાગ્યો હતો અને તારા લગ્ન બીજા કોઈ સાથે થવા નહીં દઉં અને ધમકાવવા લાગતા મેં તેની સાથે બોલવાનું બંધ કરી દીધું હતું. ગત તા.6ના જાવિદના પરિચિત અફઝલ ઉર્ફે કાલી દાઉદાણીનો ફોન મારા પિતાને આવ્યો હતો અને કહ્યું હતું કે, જાવિદ અને તમારી દીકરીની મેટર ઘરમેળે પુરી કરી નાખીએ આથી મારા પિતાએ આમ કરવાની ના પાડતા અફઝલ ધમકાવા લાગ્યો હતો અને ઘરે આવવાની ધમકી આપી હતી.

 નહિતર તને પરિક્ષામાં નાપાસ કરાવીશ

ગત તા.7ના હું મારા દાદીના ઘરે જતી હતી ત્યારે પુનિતનગર પાસે જાવિદ બાઈક લઈને પાછળ આવ્યો હતો અને મને ઉભી રાખી કહ્યું હતું કે, આપણા મૈત્રી કરારના સબંધ હતા એ હવે રાખવા નથી, મેં જેટલો ખર્ચ કર્યો એ મને પાછો આપી દે, નહિતર તને પરિક્ષામાં નાપાસ કરાવીશ અને તારા ઘરનાને ઉપાડી લઈશ અને તને પણ જાનથી મારી નાખીસ તેમ ધમકી આપતા મેં ઘરે જઈ ફિનાઈલ પી લીધું હતું. અને 108 મારફતે સિવિલ હોસ્પિટલમાં ખસેડી હતી. યુવતીની ફરિયાદના આધારે પોલીસે જાવિદ હાલા અને અફઝલ ઉર્ફે કાલી દાઉદાણી સામે ગુનો નોંધી આગળની તપાસ હાથ ધરી છે.