દક્ષિણ આફ્રિકાના સૌથી મોટા શહેર જોહાનિસબર્ગમાં એક બહુમાળી ઈમારતમાં લાગેલી ભીષણ આગમાં ઓછામાં ઓછા 73 લોકોના મોત થયા છે અને અન્ય 52 લોકો ઘાયલ થયા છે. ઈમરજન્સી મેનેજમેન્ટ સર્વિસે આ જાણકારી આપી અને જણાવ્યું કે આગની ઘટના ગુરુવારે વહેલી સવારે બની હતી.

જોહાનિસબર્ગ કટોકટી વ્યવસ્થાપન સેવાઓના પ્રવક્તા રોબર્ટ મુલાઉદઝીએ જણાવ્યું હતું કે ગુરુવારે સવારે લાગેલી આગમાં શહેરના કેન્દ્રીય બિઝનેસ ડિસ્ટ્રિક્ટમાં એક ઇમારત નાશ પામી હતી, અલ જઝીરાએ અહેવાલ આપ્યો હતો. અને સ્થળ પરથી અત્યાર સુધીમાં 73 મૃતદેહો મળી આવતા મૃત્યુઆંક વધી રહ્યો છે.